NË KOMUNËN E SHTIMES SHËNOHET ” EPOPEJA E UÇK-SË “
2021/03/10 - 11:17
Shtime më, 5 mars 2021 – Kryetari i Komunës së Shtimes, z. Naim Ismajli, nënkryetari, z. Rrahman Jakupi, drejtorë të drejtorive komunale, përfaqësues të shoqatave të dala nga lufta e UÇK-së, kanë bërë sot homazhe te Varrezat e Dëshmorëve në komunën e Shtimes dhe në Kompleksin Përkujtimor në Prekaz të Skenderajt në shenjë nderimi dhe respekti për shënimin e ditëve të lavdishme të “Epopesë së UÇK-së”,
Kryetari Ismajli ka thënë: “Sot, Kosova përkujton 23-vjetorin e rënies heroike të Jasharëve, përulemi përjetësisht para veprës së tyre dhe jemi përherë krenarë e mirënjohës për sakrificën e dëshmorëve të kombit.
I përjetshëm qoftë kujtimi për ta, sakrifica dhe mënyra e flijimit të Komandantit Legjendar Adem Jashari dhe e pjesëtarëve të familjes Jashari do të jetë përherë referim për të gjithë brezat.
Lavdi e përjetshme për heronjtë, dëshmorët dhe martirët e lirisë së Kosovës! “.
