2018/06/14 - 8:23
Shkolla Fillore e Mesme e Ulët ” Abdullah Shabani ” në fshatin Carralevë së bashku me paralelen e ndarë në Zborc kanë festuar Ditën e Shkollës. Drejtori i shkollës ka përshëndetur të pranishmin, gjithashtu ka përmendur historikun e shkollës, të arriturat dhe sukseset e nxënësve. Ka falënderuar kryetarin e komunës, z. Naim Ismajlin për realizimin e premtimit për objektin e ri shkollor, dhe ka potencuar bashkëpunimin e mirë e të ndërsjelltë me DKA-në.
Drejtori i DKA-së, z. Mensur Neziri ka përshëndetur të pranishmit, i ka përgëzuar për punën mësimdhënësit dhe drejtorin e kësaj shkolle si dhe u ka uruar me rastin e punimeve për objektin e ri shkollor.
Nxënësit së bashku me mësimdhënës kishin përgatitur një program të pasur kulturorë me poezi, këngë e valle.
