i cili shkarkon qarkullimin e automjeteve të rrugës kryesore të qytetit. Ky projekt i rëndësishëm në vlerë prej 200 mijë eurosh është financuar nga buxheti i komunës dhe Drejtoria Rajonale për mirëmbajtjen e rrugëve, ndërkohë për zgjerimin e kësaj rruge banorët e këtij fshati nuk kanë kursyer pronat e tyre.

“Kjo rrugë ishte si nevojë e domosdoshme, sepse qendra e Deçanit ishte e stërngarkuar nga qarkullimi i automjeteve të shumta që vinin nga të dyja anët e rrugës magjistrale Pejë-Gjakovë, duke bllokuar kështu qendrën komunale”, ka thënë kryetari Selmanaj, duke falënderuar të gjithë ata që nuk kanë kursyer pronat e tyre për ndërtimin dhe zgjerimin e saj. Ai ka premtuar se vitin e ardhshëm në ministrinë përkatëse ka marrë premtimet edhe për asfaltimin e rrugës rajonale Lumbardhë-Maznikë, e cila këtë zonë do ta nxjerrë nga izolimi shumëvjeçar.

Për dallim nga përurimi i ministransitit, akti i fillimit të punimeve në asfaltimin e rrugës Gramoqel-Shaptej, ishte madhështor. Pos qytetarëve të këtushëm, nxënësve të shkollës fillore “Drita” merrnin pjesë edhe zyrtarëve komunal. “Po asfaltojmë rrugë për të hapur shtigje të zhvillimit dhe të mirëqenjës së qytetarëve’’, ka thënë kryetari Selmanaj, i cili ka treguar se për asfaltimin e kësaj rruge në gjatësi për 2.5 kilometrash, 192 mijë euro janë donacion i Qeverisë së Kosovës, Edhe në Gramaqel, Selmanaj ka folur për projektet e realizuara sivjet, të cilat sipas tij kanë koston e tre mbi 3 milion euro, duke përmendur këtu disa nga burimet e financimit.