2018/07/23 - 11:31
Është viti i gjashtë i këtij panairi i cili mbahet në kuadër të shënimit të ditëve të diasporës nën moton ,,Bashkatdhetarë mirë së erdhët Deçani ju mirëpret,,
Ky panair tashmë tradicional i cili organizohet në kuadër të aktiviteteve të shumta në shënim të ditëve të diasporës dhe ka për qëllim promovimin e bizneseve vendore, turizmit dhe produkteve tradicionale jo vetëm të Komunës së Deçanit por edhe të komunave tjera këtë vite është mbështetur vetëm nga komuna e Deçanit, Zyra e Diasporës.
Hapjen zyrtare të panairit e bëri i pari i komunës z.Bashkim Ramosaj, nënkryetari z.Sami Cacaj, zv.Ministren e Ministrisë së Zhvillimit Rajonal znj.Magbule Shkodra, përfaqësues nga Ministria e Industrisë dhe Tregtisë dhe Zyra e Diaspores kryetar i komunës së Ulqinit z.Loro Nrekiq, nënkryetare e komunë së Ulqinit znj.Hatixhe Gjoni, bashkëpunëtorët të tjerë .
Panairi i dy ditor do jetë mundësi e mirë e bizneseve që ti prezantojnë produktet e tyre, por edhe të krijojnë mundësi të sigurimit të tregut në të ardhmen, për produktet e prezantuara këtu.
I pari i komunës z.Bashkim Ramosaj në hapej të panairit thasë “Këto ditë jemi përkushtua dhe jemi mundu mjaft që me i tregu krejt popullit të Deçanit e në veçanti Kosovës që Deçani ka një perspektivë. Deçani ka një perspektivë sepse është një ndër komunat që lidhet me dy shtete fqinje edhe me Malin e Zi edhe me Shqipërinë dhe që duke e pas një jetë të vështirë nuk kemi mujt me shti në funksion potencialet dhe resurset që i kemi të përbashkëta e që është edhe koncept i Bashkimit Evropian, Evropës Euro-Atlantike, për integrime evropiane dhe për zhvillimin e këtij rajoni”, ka thënë ai.
Ndërsa kryetari i Ulqinit z.Loro Nrekiq tha se ,,Sot jemi bashkë këtu në Deçan të ndajmë një panair që ka vlera kulturore e tradicionale, vlera shumë të rëndësishme ne kur jemi këtu jemi ën shtëpinë tonë mbase tash e sa vite edhe jemi të binjakëzuar dhe po mundohemi që aktivitete ti realizojmë së bashku’’.
Në këtë panair për dy ditë radhas për nderë të pritjes së bashkatëdhetarëve, bizneset vendore promovuan produketet dhe shërbimet që i ofrojnë duke filluar nga Komuna e Deçanit, Komuna e Ulqinit, Velipoja, Juniku, me rroba tradicionale nga Isniqi dhe Zahaqi, Agjensioni Mikrofinanciare AFK, mjalti deçanas nga bletarët e Prilepit, prodhues të bylmetit, pemëve dhe perimeve, Mjedrat Llukë e Epërme ,Veraria Stone Castle, Kompania e frutav thata K-Nuts, Shtepia botuese “
Bota Shqiptare”.
