Komisioni mbikëqyrës shqyrton zbatimin e masave emergjente në pyje

2010/08/20 - 12:00

          Komisioni mbikëqyrës për zbatimin e masave emergjente, në përbërje nga Rasim Selmanaj, kryetar i Komunës, zyrtarë të policisë, gjykatave, DPBZHR, APK-së, Inspektoriatit të Ministrisë dhe të dikastereve tjera që janë vënë në mbështetje të vendimit ekzekutiv të kryetarit Selmanaj, në takimin e tyre të rregullt kanë raportuar për efektet e këtyre masave gjatë ditëve të vikendit, ndërkohë kanë propozuar edhe masa shtesë në zbatim të këtij vendimi.    

          Gjatë tre ditëve janë vërejtur trende pozitive, ngase në të dy laurat nuk ka kaluar asnjë masë drusore, ndërkohë këto masat të cilat kanë gjetur përkrahjen edhe të qytetarëve duhet të aplikohen edhe nëpër rrugët alternative ku keqbërësit kanë mundësi të depërtojnë si në Pobergjë, Voksh dhe Grykën e Junikut, është vlerësuar nga të pranishmit.    Në këtë takim pos raporteve nga së cili subjekt i përbërjes së këtij komisionit, është kërkuar edhe pjesëmarrja e autoriteteve të Prokurorisë, të cilët siç u tha se ata paraprakisht duhet të koordinojnë punën edhe me policinë lokale në aplikimin e masave adekuate ndëshkimore.
          Nga ana tjetër, për shkak të rrezikut të shpërthimit të zjarreve nga  shkaku i  temperaturave tropikale u tha se kërkohen vigjilencë dhe mobilizim nga të gjithë. Takime të tilla do të mbahen të rregullta dhe çdo ditë pune gjatë gjithë kohës sa do të zgjasin masat emergjente në pyjet shoqërore dhe private të kësaj komune. Ndryshe, kryetari Selmanaj, ka ripërsëritur se nuk do të ketë asnjë tender dhe se vendimi i tij, për shpalljen e masave emergjente nuk është marrë për inat të askujt, por siç tha ai, është ky një vendim i drejtë që ka për qëllim të shpëtojë pyjet e kësaj komune nga rreziku i shkatërrimit të tyre.