2010/09/15 - 12:00
Kuvendi Komunal i Deçanit bashkë me OSBE-në, kanë shënuar Ditën Ndërkombëtare të demokracisë.
Me këtë rast, u mbajt edhe “Dita e derës së hapur” ku nxënës dhe qytetarë të Deçanit ishin të pranishëm në mbledhjen e asamblesë komunale. Sipas kryetarit të Komunës Rasim Selmanaj, “Dita Ndërkombëtare e Demokracisë, përmban në thelb vetë atë që ne e kemi pasur si aspiratë për shumë vite, demokracinë dhe lirinë e qytetarëve.”
Në këtë ditë kaq shumë të rëndësishme për mbarë botën, edhe unë si kryetar i Komunës së Deçanit, dua t`ju them se është kënaqësi për mua personalisht por edhe për administratën që drejtoj, të them se në një vit pune ne kemi treguar se jemi përherë pranë qytetarëve, është shprehur ai. Për të pranishmit folën edhe kryesuesi i asamblesë komunale Jashar Dobraj si dhe zyrtari i OSBE-së Haxhi Thaçi, të cilët falënderuar komunën e Deçanit për transparencën e saj ndaj qytetarëve. Pas këtij takimi është bërë konstituimi i Asamblesë së të rinjve, e cila do të ketë kryesin dhe 27 asamblist.
