Kryetari i Komunës së Obiliqit, Xhafer Gashi, ka ndarë mirënjohje për institucionet dhe organizatat jo-qeveritare

2020/12/30 - 1:33

Kryetari i Komunës së Obiliqit, Xhafer Gashi, ka ndarë mirënjohje për institucionet dhe organizatat jo-qeveritare, për të i falënderuar për bashkëpunimin, gatishmërinë dhe kontributin e dhënë, gjatë pandemisë Covid-19; kësisoj, mirënjohje është ndarë për; Korporatën Energjitike të Kosovës, KEDS-in, KRM “Pastrimi“ njësia Obiliq, KRU “Prishtina“, Qendrën Rinore, Këshillin e Veprimit Rinor Lokal dhe HandiKos-in.

Kryetari Gashi, është shprehur se ky bashkëpunim i mirëfilltë në shërbimin e qytetarëve të mos mungojë edhe në vitin që po vjen, si dhe ka theksuar se: “Përkundër pandemisë, që përcolli pjesën më të madhe të vitit që po lemë pas, në bashkëpunim me institucionet dhe organizatat jo-qeveritare, arritëm të realizojmë punë të mira dhe projekte të rëndësishme në fusha të ndryshme.“