Komuna e Obiliqit nderon dëshmorët në Ditën e Çlirimit | 2017-06-14

19190950_10212825074166717_1124269808_n.jpg

 Komuna e Obiliqit ka nderuar dëshmorët në Ditën e Çlirimit. Kryetari i komunës Xhafer Gashi me këtë rast tha se janë mirënjohës ndaj veprës së atyre që dhanë jetën, që sot qytetarët e Kosovës të jenë të lirë.

Gjithashtu ai vlerësoi edhe ndihmën e partnerëve ndërkombëtarë që ndihmuan në çlirimin e vendit.

 

“Jemi shumë mirënjohës që lirisë sonë iu bashkuan edhe miqtë ndërkombëtar dhe ne sot jemi shumë mirënjohës ndaj sakrificës së atyre që dhanë jetën, që ne sot po e gëzojmë lirinë”, ka thënë kryetari Gashi.

Ndërsa, profesor Fetah Berisha, në fjalën e tij uroi që ditët në vijim të jenë edhe më të suksesshme se këto deri tash.

“Kam nderin që në emër të shkollës ‘Ibrahim Rugova’ të urojmë qytetarët e Obiliqit për Ditën e Çlirimit”, theksoi Berisha.

Në anën tjetër, nxënësit e kësaj shkolle i dhuruan kryetarit të Obiliqit emblemën e Ushtrisë Çlirimtare të Kosovës për nderë të kësaj dite dhe kontributit që ai ka dhënë me pjesëmarrjen e tij në luftën çlirimtare.

Pas tubimit në Kuvendin Komunal, kryetari Gashi së bashku me asamblistë, shoqatat e dala nga lufta  e qytetarë të shumtë bënë homazhe para pllakës përkujtimore të dëshmorëve në qendër të Obiliqit.

Me një minutë heshtje, ata gjithashtu  nderuan veprën e komandantit Adem Jashari para bustit të tij te palestra e sporteve, e cila mbanë emrin e tij. Aktiviteti vazhdoi në gjithë territorin e Komunës së Obiliqit për t’i nderuar Dëshmoret dhe Martirët.

 

Vazhdojnë investimet në ndërtimin e infrastrukturës rrugore | 2017-06-07

18893439_263255914142499_7236594532086376084_n.jpg

 Sot Kryetari i Komunës, Xhafer Gashi, ishte për të parë nga afër zhvillimin e punimeve në ndërtimin e rrugëve "Fortesa" dhe "Koliqi" në fshatin Mazgit i Epërm. Përveç shtrimit me kubëza, në rrugën "Fortesa" përfshihet edhe shtrirja e rrjetit të kanalizimit, kurse në rrugën "Koliqi", përveç asfaltimit përfshihet edhe shtrirja e rrjetit të ujësjellësit.

 

Përfunduan 4 km ndriçim në Obiliq - Mazgit dhe u ndezën 143 drita | 2017-06-07

18920279_263483707453053_4726411389305712462_n.jpg

 Kryetari i Komunës Xhafer Gashi, së bashku me zëdhënësin e KEK-ut, Skender Bucolli , përuruan projektin e ndriçimit 4 kilometra në rrugën e fshatit Mazgit që e lidhe me Obiliqin dhe me magjistralen Prishtinë - Mitrovicë.

Kryetari Gashi në fjalën e tij tha se ky është vetëm projekti i dytë që përfundoi me KEK-un.

“Në vazhdim, së bashku me KEK-un e kemi në projekt ndërtimin e një parku, puna në të cilit ka fillu, si dhe shumë projekteve të tjera në të ardhmen”, tha kryetari Gashi.

Në anën tjetër, zëdhënësi i KEK-ut, Skender Bucolli, e falënderoi kryetarin Gashi për bashkëpunim, duke thënë se ky është vetë përfundimi i dytë i projekti dhe se së shpejti do të fillojnë edhe projekte të tjera.

“Ne jemi zotuar që do t’i përmbushim të gjitha kërkesat e banorëve të Obiliqit”, tha z. Bucolli.

Ky projekt e ka vlerën e 40 mijë eurove.

 

Shënohet “1 Qershori”, Dita Ndërkombëtare e Fëmijëve në Komunën e Obiliqit | 2017-06-01

 18928167_10212705996189842_276337151_n.jpg 

Për t’i dhënë gëzim dhe ngjyra plotw jetë ditës së tyre, Drejtoria e Kulturës, Rinisë dhe Sportit  në bashkëpunim me Shkollat e komunës tonë, Institucionin Parashkollor, Qendrën Rinore dhe OJQ-të organizuan një sërë aktivitetesh të larmishme për fëmijë.

Kryetari i komunës Xhafer Gashi takoi në sheshin “Aziz Zhilivoda” fëmijët e komunës së Obiliqit ku përshëndeti të gjithë, duke përcjellë urimet më të mira për ta.

“Në këtë ditë, urojmë çdo fëmijë të këtij vendi që gëzimi që ata ndjejnë sot në zemrat e tyre, të jetë një gëzim që do t’i shoqërojë gjithë jetën”.

Duke uruar më të mirën për gjithë fëmijët kudo që ata janë, kryetari Gashi shprehu bindjen e tij se ëndrrat më të bukura të tyre, do t’i bëjnë realitet.

 

Të dashur qytetarë të besimit islam | 2017-05-26

18698133_258425021292255_209495014541305130_n.jpg

 Me rastin e fillimit të muajit të shenjt të Ramazanit, më lejoni që t'ju uroj të gjithë juve agjërim të lehtë dhe përmbushje të të gjitha obligimeve që Zoti i madhërishëm na obligon.Në këtë muaj të shenjt, të jemi më solidarë me të sëmurit dhe të varfërit

Urime muaji i shenjt i Ramazanit!

I juaji,

Xhafer Gashi

Kryetar i Komunës së Obiliqit

 

Filluan punimet për ndërtimin e parkut të qytetit | 2017-05-24

18664434_257642404703850_4754922807229787807_n.jpg

 Ceremoninë e vënjes së gurthemelit e bënë Kryetari i Komunës, Xhafer Gashi dhe Njazi Thaçi, Drejtor Operativ në Korporatën Energjetike të Kosovës.

Ndërtimi i këtij parku, do të ju ndihmoj qytetarëve që ta kalojnë një pjesë të kohës së lirë.

Financiarisht këtë projekt do ta mbështesë Korporata Energjetike e Kosovës, kurse punimet pritet të përfundojnë branda periudhës prej 90 ditësh, të paraparë me planin dinamik.

Pas ceremonisë, të dy palët u deklaruan për vazhdimin e bashkëpunimit edhe në të ardhmen, kurse këtë projekt e cilësuan si mjaft të rëndësishëm në vazhdën e projekteve që KEK-u është duke realizuar për komunitetin.

 

Në Komunën e Obiliqit nis projekti i vizitave mjekësore nëpër shtëpi | 2017-05-24

18716581_10212633552138786_1362972817_n.jpg

 Programi për vizita mjekësore në shtëpi për nënat shtatzëna dhe fëmijët e moshës nga 0 deri në 3 vjeç, ka filluar të implementohet edhe në komunën e Obiliqit.

Kryetari i Komunës së Obiliqit, Xhafer Gashi, tha se iniciativat e tilla janë më se të mirëpritura, për të cilat shprehu përkrahjen e vazhdueshme të komunës.

“Kjo është një iniciativë jashtëzakonisht mirëpritur nga komuna e qytetarët e Obiliqit dhe vazhdimisht do të përkrahim iniciativat e tilla”, ka thënë Kryetari Gashi.

James Mugaju përfaqësuesi i UNICEF-it, tha se përkrahja më e madhe që mund t’i bëhet një vendi është përkrahja përmes investimit në njerëz.

“Është gjithmonë një kënaqësi dhe privilegj për këto vizita për të ju inkurajuar dhe për të përcjellë nga afër se çfarë po bëhet. Ky aktivitet tregon se si ne i bashkërendisim veprimet me Ministrinë e Shëndetësisë dhe komunat. Dhe kur vendosim që t’i bashkojmë forcat nuk ka asgjë që nuk mund ta arrijmë”, tha ai.

Ndërsa, Ibush Mjekiqi, drejtori për Shëndetësi dhe Mirëqenie Sociale, në fjalën e tij tha se efektet e këtij programi mund të shihen më vonë.

Ky program ka për qëllim vizitat shtëpiake për nënat shtatzëna dhe fëmijët prej 0 deri në 3 vjeç dhe efektet e këtij programi do të vërehen më vonë.

 

U mbajte mbledhja e radhës e Kuvendit Komunal të Obiliqit | 2017-05-23

P1240547.JPG

 Sot u mbajt mbledhja e Kuvendit Komunal të Obiliqit ku u diskutuan shumë tema të ndryshme. Prezent ishte nënkryetari i Komunës Nysret  Kelmendi me ekzekutivin . Kryesuesi  Adem Preniqi e shpalosi rendin e ditës para asambleistëve.

 1. Arsyetimi për mungesë

2. Aprovimi i ekstraktit të procesverbalit nga mbledhja e kaluar

3. Rishikimi i buxhetit për vitin 2017

4.  Shqyrtimi i kërkesave

5.   Të  ndryshme

 

Komuna e Obiliqit organizoi “Marshin Multietnik” | 2017-05-19

18601399_10212589494837381_180568169_n.jpg

 Me sloganin “Të ndryshojmë botën me duart tona”,  sot Komuna e Obiliqit ka organizuar “Marshin Multietnik”, që ka për qëllim promovimin e dialogut ndërmjet komuniteteve të gjashtë komunave.

Shtegu për nga Sheshi “Aziz Zhilivoda”,  deri në fshatin Grabovc përkatësisht tek “Guri i Plakës”,  i priu i  pari i Obiliqit, Xhafer Gashi që të kalojë 16 kilometra rrugë për të arritur tek caku.

Ky marsh ishte për të promovuar jetën e përbashkët në multietnicitet.

Kryetari Xhafer Gashi me këtë rast tha se ky 16-kilometërsh ka për qëllim promovimin e multietnicitetit dhe se komuna e Obiliqit është lidere për bashkëjetesë në paqe me komunitetet.

“Përmes këtij marshi synojnë të përçojmë mesazhin për paqe dhe jetesë të përbashkët ndërmjet të gjitha komuniteteve në këtë komunë, por edhe në tërë vendin”, tha ai.

Kryetari Gashi ka falënderuar institucionet e sigurisë, ndihmën e shpejtë, Drejtorinë e Kulturës në komunën e Obiliqit për këtë organizim, i cili sipas tij, ka dhënë mesazh për paqe dhe ndryshim të jetës në komunitet.

Ambasadori i OSBE-së në Kosovë, Jan Braathu, e lavdëroi Komunën e Obiliqit për këtë nismë.

“Kjo është një ditë e mirë. Është mirë që të rinjtë të njohin njëri-tjetrin dhe të respektojnë të gjitha komunitetet që jetojnë në Kosovë.. Falënderoj kryetarin Gashi për këtë marsh. Çdo herë do të kujtojmë se kjo nismë ka filluar në Obiliq”, ka thënë ai.

Ky marsh filloi nga qendra e qytetit dhe përfundoi në fshatin Grabovc.

 

Homazhe pranë lapidarit të martirëve të familjes Aliu | 2017-05-17

  18578772_10212571151538810_1831356952_n.jpg

Kryetari i komunës së Obiliqit, Xhafer Gashi së bashku me bashkëpunëtorët e tij, bënë homazhe para lapidarit të martirëve të familjesë Aliu.

Me këtë rast, kryetari Gashi u tha familjarëve të martirëve që të jenë përherë krenar dhe se sakrificën e tyre për këtë liri që e gëzojmë sot, Kosova nuk do ta harrojë.

“Ne si institucione do të punojmë pa ndalur në ndërtimin dhe zhvillimin e shtetit, në mënyrë që atyre që  e gëzojnë sot lirinë pas sakrificave të mëdha të këtij populli, t’ju ofrojmë një jetë më të mirë”, u shpreh kryetari Gashi.
 

Turnir në Futsall | 2017-05-17

18578736_10212572651336304_1426157866_n.jpg

 Shoqata e Pedagogëve të Kulturës Fizike në bashkëpunim me profesorët e edukatës fizike dhe me DKRS- sektori i Sportit, organizojnë turnirin në futsall me të gjitha shkollat e mesme të ulëta dhe ato të mesme të komunës tonë.

Turniri u mbajtë në Palestren e Sporteve "Adem Jashari". Hapjen e këtij turniri e bëri kryetari i komunës Xhafer Gashi, i cili së pari falenderoi SHPKF për aktivitetet dhe punën e tyre, e pastaj duke u dëshiruar suksese nxënësve edhe njëherë u zotua në përkrahje të tyre, zhvillimit dhe sukseseve të Sportit e Rinisë në përgjithësi.

Në fund u ndan edhe medaljet për fituesit e vendit të dytë dhe të parë:

-Vendi i parë i takoi ekipit nga shkolla:"Hasan Prishtina"

-Vendi i dytë i takoi ekipit nga shkolla:"Abdurrahmon Gërguri"

Bashkë drejtë sukseseve!

 

Nënshkuhet Marrëveshja e Mirëkuptimit për pastrimin e lumit Sitnica | 2017-05-15

18446888_254022501732507_4261330926240919722_n.jpg

 Kryetari i Komunës Xhafer Gashi, së bashku me ministrin e  Ministrisë së Mjedisit dhe Planifikimit Hapësinor Ferat Shala, nënshkruan Marrëveshjen e Mirëkuptimit për pastrimin e lumit Sitnica.

Pastrimi i këtij lumi, ka qenë kërkesë e vazhdueshme që komuna i ka drejtuar Ministrisë së Ambientit, kjo për faktin që kosto e saj ka qenë e papërballueshme për buxhetin e komunës sonë.

Vlera e këtij projekti është, 152,000.00 €.

Me realizimin e tij, do të evitohen vërshimet e shumta si dhe dëmet e tokave bujqësore që ndodhen në afërsi të këtij lumi.

Kryetari, Xhafer Gashi e falënderoi ministrin Ferat Shala për përkrahjen në realizimin e këtij projekti.

 

Kryetari Gashi priti përfaqësues të KFOR-it | 2017-05-11

18448139_10212518809030280_198561401_n.jpg

 Kryetari i komunës së Obiliqit, Xhafer Gashi priti sot përfaqësues të KFOR-it finlandez të përfaqësuar nga udhëheqësi i ri të kësaj komande, Tapani Kaiutio.

Tema për të cilën biseduan në këtë takim ishte çështja e sigurisë.

z Gashi i njoftoi ata për gjendjen e sigurisë në komunën e Obiliqit, për të cilën u tha se është stabile.

Gjithashtu, kryetari Gashi gjatë këtij takimi i njoftoi përfaqësuesit e KFOR-it edhe për punët që janë bërë dhe janë duke u kryer në komunën e Obiliqit.

Përfaqësuesi i KFOR-it, Tapani Kaiutio e falënderoi kryetarin Gashi për pritjen që u bëri dhe i tha se janë në gjendje gatishmërie që ta ndihmojnë këtë komunë me të gjitha mundësitë që i ka KFOR-i.

 

Kryetari i Komunës ndau shpërblimin e vendit të parë në Gjilan | 2017-05-07

18342558_251057885362302_1930384253726893819_n.jpg

 Sot, Kryetari i Komunë z. Xhafer Gashi dhe njëheri bashkëluftetarë i heroit të Kombit Agim Ramadani i ndau shpërblimin për vendin e parë në turnir memorial të Peshkatarisë "Agim Ramadani" 2017.

Turneu Memorial i Peshkatarisë "Agim Ramadani" është mbajtur për herë të 17 -të për të përkujtuar heroin Kombëtar 'Agim Ramadani' i cili edhe vetë ishte marrë me peshkatari.

Ky turnir u mbajte në brigjet e liqenit të Livoqit të organizuar nga Federata e Peshkatarisë Sportiv-Rekrativ e Kosovës dhe Shoqta e Peshkatarisë së Gjilanit .

 

Kryetari i komunës, Xhafer Gashi, mbikëqyrë punimet | 2017-05-06

18301440_250672728734151_4607390970600239587_n.jpg

Kryetari i komunës, Xhafer Gashi, mbikëqyrë punimet që janë duke u realizuar në asfaltimin e rrugëve në fshatrat Millosheve e Bakshi :

Millosheve Rr: " Muhaxheri dhe Rr:Dëshmorët", në fshatin Bakshi.

 

Qyteti i Obiliqit po bëhet edhe me një park të ri | 2017-05-05

18337016_1522570071108891_1770758557_n.jpg

 Drejtori i Mbrojtjes të Mjedisit Arben Berisha, sot ishte i ftuar nga zëdhënësi i KEK-ut, Skender Bucolli. Qëllim i këtij takimi ishte nënshkrimi i projektit për parkun e Qytetit.

Obiliqi po bëhet edhe me një park të ri prej 4000 metra katrorë.

 Punimet e këtij parku filluan nga sot dhe sipas planit dinamik, këto punime do të zgjasin 90 ditë.

 

5 Maj - "Dita e Dëshmorëve të Kombit" | 2017-05-05

18361252_10212464355308971_166697757_n.jpg

Obiliqi përkujton sot me dhimbje po aq sa me krenari 14 dëshmorët e komunës tonë, 65 martirë dhe 13 të zhdukur.

Homazhet para pllakës së dëshmorëve në qendër të qytetit, nisën aktivitetin në kuadër t�� "Ditës së Dëshmorëve".

Para lapidarit, kryetari i komunës Xhafer Gashi kujtoi me krenari vepren dhe luftën e dëshmorëve në mbrojtje të atdheut së bashku me SHDL, familjarët e dëshmorëve, bashkëpunëtorët dhe qytetarët.

Akademia përkujtimore me fjalimin e kryetarit Xhafer Gashi, i cili përkujtoi përmes historisë kohërat dhe veprat e dëshmorëve, por edhe të gjithë luftëtarëve, që kontribuuan në mbrojtjen e vendit.

Ai na bëri që t'i thërrasim mendjes dhe t'i lëmë anash interesat partiake e të punojmë në të mirë të vendit duke mbrojtur kështu edhe nderin e atyre që dhanë më të shtrenjtën, jeten e tyre.

"Rinia jonë duhet të kujtoi dy breza njerëzish. Ata që u flijuan, ndërsa ne, punen e tyre duhet ta realizojmë, ata të parët e dëshmuan vetën e tyre, ndërsa ne kemi akoma për të bërë", u shpreh kryetari Gashi.

Akademinë e përshendeti edhe Esat Curri nga SHDL e njëherit babai i dëshmorit Ferit Curri.

Për të kujtuar të rënët dhe për t’i kthyer ata më pranë nesh, nëpër kujtimet tona, u përkujdesen DKRS me artistët e tyre: Hysni Klinaku, Shefki Salihu, Verona Mirena, Bastri Lushtaku, Teatri i qytetit, Daim Zeqiri, të cilët përmes këngës e artit, madhështuan këtë akademi dhe nderuan dëshmorët e Kombit.

 

Lavdi dëshmorëve të kombit!

 

Në mbledhjen e mbajtur sot të Kuvendit të Kosovës | 2017-05-04

18268618_249849788816445_4415116081317247352_n.jpg 

Në mbledhjen e mbajtur sot të Kuvendit të Kosovës, me padurim kemi pritur miratimin e Projektligjit nr. 05/L-128 për ndryshimin dhe plotësimin e Ligjit nr. 03/L-163 për minierat dhe mineralet, i ndryshuar dhe i plotësuar me Ligjin nr. 04/L-158.Miratimi i këtij projektligji, do t'i hapte rrugë implementimi të Ligjit për Zonën e Rrezikuar Mjedisore të Obiliqit dhe rreth tij, konkretisht implementimit të pikës, e cila kërkonë që renta minerare të rialokohet në Buxhetin Komunal të komunës së Obiliqit ku ndodhet njësia biznesore.Fatkeqësisht, Komisioni funksional për zhvillim ekonomik, infrastrukturë, tregti dhe industri, ka rekomanduar që të mos miratohet në parim ky Projektligj. Arsyeja sipas tyre qëndron që i njejti është në kundërshtim me legjislacionin përkatës në fuqi.Ja rikujtojmë këtij Komisioni, që banorët e komunës së Obiliqit janë duke jetuar në një mjedis ku janë duke u shkelur të gjitha Ligjet në fuqi, janë duke u shkelur të drejtat kushtetuese, madje edhe parimet ndërkombëtare të të drejtave të njeriut.

Nëse për këtë Komision qenka problem që renta minerare të shkoj në buxhetin komunal, që komuna me ato mjete t'u ndihmojë të sëmurëve me sëmundje të kancerit dhe të frymarrjes, të kujdeset për hapësirat e gjelbërta si preventivë ndaj mjedisit të ndotur, të kujdeset për infrastrukturë rrugore që dëmtohet si pasojë e operimit të KEK-ut, të kujdeset për aktivitete sportive e kulturore, etj, at'her ky Komision le të na tregoj se të jetuarit në këtë mjedis dhe në këto kushte, me cilat Ligje është në pajtim??Ne e dijm që Ligjet bëhen për t'i shërbyer qytetarëve dhe jo e kundërta.Po ashtu e dijm, që deputetët janë të thirrur të mbrojnë interesin e qytetarëve dhe jo të bijn pre e politikave ditore. Pra, komuna është e qytetarëve të të gjitha përkatësive politike.Unë si Kryetar edhe pse i përkas subjektit politik të AAK-së, ju shërbej të gjithëve pa dallim, ashtu siç është dashur ta bëjnë edhe deputetët e Kuvendit të Kosovës.Andaj, edhe njëherë apelojmë te Kuvendi i Kosovës, konkretisht të deputetët e këtij Kuvendi, që sa më parë të ndërmarrin masa, të rishikohen këto rekomandime, dhe të njejtat të harmonizohen me Ligjin për Obiliqin.

 

Homazhe | 2017-05-03

18268596_249453545522736_960560768507698092_n.jpg

Kryetari Xhafer Gashi së bashku me përfaqësuesi e SHDL, zyrtarët dhe qytetarët, bëri homazhe te varri i dëshmorit Hasan Hasani, me ç'rast përshendeti dhe porositi familjen të jenë përher krenar dhe ta kujtojnë me mburrje baban e tyre si dhe ta nderojmë duke respektuar vepren e tij të gjithë ne.

 

Lavdi dëshmorëve të kombit!

 

Kryetari i komunës, Xhafer Gashi, mbikëqyrë punimet | 2017-05-03

18274758_249183245549766_8177517204551476381_n.jpg

 Kryetari i komunës, Xhafer Gashi, mbikëqyrë punimet që janë duke u realizuar në asfaltimin e rrugës "Dëshmorët", në fshatin Bakshi.

 
Duke paraqitur rezultatet 1-20 (of 1207)
 |<  < 1 - 2 - 3 - 4 - 5 - 6 - 7 - 8 - 9 - 10  >  >| 

RSS

Sign in