Vizitë ekipeve shëndetësore dhe policore | 2018-01-01

26055975_342893566178733_2363695198938572763_n.jpg 

Kryetari i Komunës së bashku me Nënkryetarin e Komunës , Kryesuesin e Kuvendit dhe drejtorin e QKMF-së bënë vizitë në QKMF dhe Stacionin Policor .

Me këtë raste Kryetari i Komunës falenderoi ekipet kujdestare që sonte u kujdesen për sigurinë dhe shëndetin tonë.

 

Gëzuar 2018 !
 

Qytetarë të Komunë sonë, urime festa e Vitit të Ri | 2017-12-31

 18698133_258425021292255_209495014541305130_n.jpg 

Në këtë natë të ndërrimit të moteve, të përfundimit të një viti sa të rëndë e me sfida të shumta, po aq edhe të suksesshëm dhe të mbarë për qytetarët dhe Komunën tonë, secilit nga ju iu uroj nga zemra që viti 2018 të ju sjell gjithë atë që ju dëshironi, por mbi të gjitha shëndetin.Uroj që festa e fundit e vitit, të jetë një nismë e mbarë e cila do të sjellë përplotë lumturi e suksese për të gjithë ju.Veçanërisht i uroj punonjësit shëndetësorë dhe policinë që edhe në këtë natë feste kujdesen për sigurinë dhe shëndetin tonë.

Gëzuar!

 

Kryetari i komunës, Xhafer Gashi, së bashku me nënkryetarin, Ajet Berisha takuan ministrin e Ministrisë së Zhvillimit Ekonomik, Valdrin Lluka | 2017-12-29

 26133281_10214527018874271_1142808464_n.jpg 

Në këtë takim u diskutua për çështjen e implementimit të Ligji për Obiliqin, çështjen e kogjenerimit, çështjen e funskionalizimit të "Zonës Industriale", problemin e zhvendosjes së banorëve të fshatrave Hade e Shipitullë si dhe rrënimin e objektit të vjetër të shtëpisë së kulturës.

Të dy palët u pajtuan për zgjidhjen e këtyre problemeve si dhe thellimin e bashkëpunimit ndërinstitucional.

 

Ftesë | 2017-12-29

  18698133_258425021292255_209495014541305130_n.jpg

 

Të nderuar qytetar të komunës së Obiliqit, Drejtor të Ekzekutivit, Kryesues dhe Asambleist, Drejtor të shkollave fillore dhe të mesme, zyrtarë komunal,

 Ftoheni në sheshin “Aziz Zhilivoda”, të presim bashkarisht ndërrimin e motmoteve.

 Të dielen në ora 24:00.

Me respekt, Xhafer Gashi!

Gëzuar!

 

QKMF në Obiliq shpërblehet me mirënjohje | 2017-12-28

 9--Mirnjohje_Ka_AMFK.jpg

QKMF-ja në Obiliq është shpërblyer me mirënjohje, “Për kontributin e dhënë në zhvillimin e Mjekësisë familjare në Obiliq”.

Po ashtu, me mirënjohje u shpërblye edhe drejtori i Qendrës Kryesore  të Mjekësisë Familjare, Haki Jashari.

Këto mirënjohje i ndau Asociacioni i Mjekëve Fmiljarë të Kosovës.
 

Kryetarin e Komunës, Xhafer Gashi, e uruan për marrjen e mandatit të ri, bashkëluftëtarët e tij të Brigadës 138. "Agim Ramadani" | 2017-12-28

 26001307_341561889645234_62176170126620259_n.jpg

Të veçantë dhe emocionues këtë urim e bëri takimi që u zhvillua në objektin e ri të Komunës, e që ishte vizita e parë në këtë objekt.Ish-Komandanti i kësaj zone, tani ministër i FSK-së, Rrustem Berisha në emer të bashkëluftëtarëve e uroi Kryetarin për marrjen e mandatit dhe tha që me këtë fitore dhe me punën e përkushtimin në mandatin e kaluar, na ke bërë krenar gjithë bashkëluftëtarëve.

 

“Rrita Jonë” përmbylli vitin me program festiv | 2017-12-27

 P1250261.JPG

 

U mbajt programi festiv për nderë të festës së Vitit të Ri në institucionin para shkollor “Rrita Jonë”, në Obiliq. Prezent në këtë program festiv ishte edhe kryetari i Komunës, Xhafer Gashi me stafin e tij.

 Në kuadër të këtij programi festiv, u shpalos programi i përgatitur nga fëmijët e kopshtit me këngë, valle dhe recitim.

 Në fund, kur babadimri u solli dhurata, fytyrat e fëmijëve ishin të buzëqeshura dhe të lumtura.

 

Dhuratat u sponzorizuan nga Qendra Rekreative “Katana” .

 

Burim Gerguri u zgjodh kryesues i Kuvendit të Komunës së Obiliqit | 2017-12-27

 26175886_10214511754572673_733482398_n.jpg

Në mbledhjen e jashtëzakonshme të Kuvendit të Komunës së Obiliqit, këshilltari nga radhët e AAK-së, Burim Gerguri , është zgjedhur në raundin e parë të votimit, më shumicën e votave të këshilltarëve të pranishëm e që ishin 21 sish, kryesues i Kuvendit të Komunës

Mbledhjen, që ishte e dyta me radhë e Kuvendit të Komunës të dalë nga zgjedhjet e fundit, e kryesoi këshilltari më i vjetër, Hysni Mjeku.

 Pasi u zgjodhë kryesues, Burim Gerguri premtoi se do ta kryej punën e vet në harmoni me ligjin dhe rregulloret e KK-së dhe se do të jetë bashkëpunues me të gjithë këshilltarët e Kuvendit të Komunës.

 

Kompania Ipko dhuron donacion me pajisje shëndetësore në vler�� 10 mijë euro për Qendrën Kryesore të Mjekësisë Familjare në Obiliq | 2017-12-26

 26001093_340830039718419_4345727307117916669_n.jpg 

Drejtori i Drejtorisë së Shëndetësisë dhe Mirëqenjes Sociale, Ibush Mjekiqi e falenderoi kompaninë Ipko për këtë donacion duke vlerësuar lartë rëndësinë e këtyre pajisjeve, të cilat stafit të kësaj qendre do t'i ndihmojnë jashtëzakonisht shumë në ofrimin e shërbimeve më cilësore shëndetësore.Ndërsa nga kompania Ipko, përgjegjësja për Marrëdhënie me Publikun, Edona Zogaj tha ky donacion hynë në kuadër të iniciativës së Ipkos me moton; "Ne jemi me fëmijët", kurse donacioni është bërë në bazë të kërkesës së kësaj Qendre.

 

Gëzuar Krishtlindjet | 2017-12-24

  18698133_258425021292255_209495014541305130_n.jpg

 

Shqiptarë të besimit katolik, urime Festa e Krishtlindjeve.Në këtë festë, përveç dëshirës për më shumë suksese, paqe e dashuri, uroj nga zemra që në mesin tonë të mbretëroi respekti, mirëkuptimi e solidariteti.Festa të tilla fetare, duhet t'i shërbejnë frymës së përafrimit në drejtim të së ardhmes së përbashkët dhe të sigurt.

Gëzuar!

 

Mbahet mbledhja inauguruese e Kuvendit Komunal | 2017-12-21

25497996_338881086579981_1549365672803552657_n.jpg

 Në mbledhjen inauguruese të mbajtur sot, në prani të qytetarëve të shumtë dhe mediave, u bë betimi i Kryetarit dhe deputetëve të këtij Kuvendi.

Ne fjalën e tij pas betimit, kryetari, Xhafer Gashi, u zotua që do të vazhdoi të punoi në shërbim të të gjithë qytetarëve pa dallim.

Po ashtu, kërkoi përkrahjen e të gjithë deputetëve të Kuvendit Komunal, që të punojnë bashkarisht ngaqë Komunën e presin sfida të mëdha siç është implementimi i Ligjit për Obiliqin e shumë projekte të tjera.

 

Njoftim për mledhjen e jashtëzakonshme të Kuvendit Komunal | 2017-12-21

 Rend Dite 
Zgjedhje e Kryesusit të Kuvendit Komunal  me 27.12.2017  duke filluar nga ora 10.00 në ndertesen e re të Komunës.
 

Vazhdon realizimi i projekteve | 2017-12-19

25507976_338230489978374_5687416185423431005_n.jpg

 Vazhdon realizimi i projekteve në Komunën e Obiliqit. Ka përfunduar asfaltimi i dy rrugëve në Komunën e Obiliqt, njëra në fshatin Mazgit ,Rr: Ali Podrimja , segmenti përballe shkolle dhe tjetra ne fshatin Llazarevë Rr: Rilindja . Banorët e këtyre dy fshatrave, tani do të kenë më të lehtë qarkullimin.

 

Në ditën e shkollës “Ibrahim Rugova” u përkujtua Presidenti Historik i Kosovës | 2017-12-18

 25520110_10214440858520316_1802489367_n.jpg

Në 73 vjetorin e lindjes së Presidentit Historik te Kosovës, Dr. Ibrahim Rugova, SHFMU “Ibrahim Rugova”, në Obiliq, organizoi ditën e saj të shkollës.

Përveç stafit dhe nxënësve të shkollës, të pranishëm në këtë manifestim ishin edhe kryetari i Komunës Xhafer Gashi, drejtori i Drejtorisë së Arsimit në komunën e Obiliqit, Agim Spahiu, drejtorë të tjerë të drejtorive komunale, familjarë të nxënësve e mësimdhënsve si dhe qytetarë të shumtë.

Në fjalën e tij uruese, kryetari i Komunës tha se është kënaqësi që është i pranishëm në një manifestim të tillë, të një shkolle që mban emrin e Presidentit Historik Dr. Ibrahim Rugova, të një presidenti, i cili në kohën sa ishte mësimdhënës, kishte punuar në këtë shkollë.

Më pas, nxënës të kësaj shkolle para të pranishmëve recituan poezi dhe performuan pika të shumta muzikore dhe artistike.

Në fund të takimit, stafi i shkollës ndau mirënjohje për kontribuesit e arsimit.

 

Krytari Gashi priti sot përfaqësues të OSBE-së | 2017-12-15

  25436279_10214415918536832_2106097094_n.jpg

Kryetari i Komunës së Obiliqt, Xhafer Gashi sot ka pritur në një takim përfaqesuesen e OSBE-së, Ana Maria Mendez Sanchez.

Qëllimi i kësaj vizite nga përfaqësuesija  e OSBE-së, znj. Sanchez në Komunën e Obiliqit, ishte për t'i shprehur ngushllime kryetarit Gashi, për vdekjen e kryesuesit të Kuvendit Komunal, Adem Preniqit. Ajo në këtë takim i përcolli edhe një telegram ngushllimi për komunën dhe familjen Preniqi nga Ambasadori i OSBE-së, Jan Braathu.

Në anën tjetër, kryetari Gashi, i tha përfaqësueses së OSBE-së, se kryesuesi i Kuvendit Komunal, Adem Preniqi, do të mbetët për gjithmonë shembull i mirë për gjenetaratat e ardhshme në Komunën e Obliqit.

 

Ftesë për Inagurimin e Kuvendit Komunal | 2017-12-12

Ftoheni të merrni pjesë në mbledhjen Inauguruse të Kuvendit të Komunës së Obiliqit e cila do mbahet me 21.12.2017  në ora 10:00 

 Shkarko

 

Përurohet objekti i ri i shkollës në fshatin Lajthishtë | 2017-12-11

 24991351_335207416947348_859467684771981065_n.jpg

Kryetari i komunës, Xhafer Gashi, bëri përurimin e shkollës në fshatin Lajthishtë. Ndërtimi i kësaj shkolle është financuar nga buxheti i Komunës. Ky objekt do t'i plotësoi kushtet për zhvillim normal të procesit mësimor për nxënësit e këtij fshati.

Ky investim dëshmon edhe njëherë për përkushtimin e Komunës në sferën arsimore, duke arritur kështu të ndërtoi infrastrukturë moderne shkollore.

Kryetari, Xhafer Gashi në ceremoninë e përurimit, përveç që i uroj nxënësit dhe mësimdhënësit, tha se ky objekt shkollorë është parakusht për zhvillim të procesit mësimor dhe do të ndikoi dukshëm në rritjen e cilësisë në arsim.

Po ashtu e falenderoi Ministrinë e Arsimit për sigurimin e inventarit për këtë shkollë.Në këtë përurim folën edhe zv. Ministri i Arsimit, Heset Sahiti dhe drejtori i Drejtorisë së Arsimit, Agim Spahiu.

 

71 nxënës dhe studentë përfitues të bursave që ndanë Komuna e Obiliqit | 2017-12-11

 24993109_335272873607469_224771334370514610_n.jpg

Kryetari i Komunës së Obiliqit, Xhafer Gashi, së bashku me Drejtorin e Drejtorisë së Arsimit, Agim Spahiu, bënë shpërndarjen e bursave për studentë dhe nxënës të shkollës së mesme profesionale – teknike “Ismail Dumoshi”.

Numri i studentëve përfitues të bursave ishte 50, ndërsa numri i nxënësve të shkollës mesme profesionale, ishte 21.

Kryetari Xhafer Gashi i uroi studentët dhe nxënësit për suksesin e arritur. Ai, në fjalën e tij gjithashtu tha se ligji për Obiliqin në të ardhmen do të krijoi shumë mundësi. Presim nga studentët dhe nxënësit që të arrijnë suksese kulminante dhe në të ardhmen të bëhen udhëheqës të vendit.

 

Me dhimbje të madhe pranuam lajmin se sot ndërroi jetë profesori dhe Kryesuesi i Kuvendit Komunal të Obiliqit, Adem Preniqi | 2017-12-10

24862489_334826053652151_3598596238875109890_n.jpg

 Me dhimbje të madhe pranuam lajmin se sot ndërroi jetë profesori dhe Kryesuesi i Kuvendit Komunal të Obiliqit, Adem Preniqi.Lajmi për vdekjen e tij na ka prekur pamasë të gjithëve.Humbja e një njeriu të tillë, është humbje e madhe parasëgjithash për familjen, për Komunën dhe për shoqërinë në përgjithësi.Profa ishte shembull me sinqeritetin, afërsinë, guximin dhe vendosmërinë për të vepruar në të mirë të vendit.Familjes, ju shpreh ngushëllimet më të thella duke ju uruar forcën dhe durimin për të përballuar këtë dhimbje.

U prehësh në paqe Profë!

 

NJOFTIM | 2017-12-10

 24899863_334852596982830_8167590110173339771_n.jpg

Ju njoftojmë se nga ora 13:30 në sallën e Kuvendit Komunal të Obiliqit (në objektin e ri të Komunës), do të mbahet Akademi Komemorative për Kryesuesin e Kuvendit Komunal, Adem Preniqi.

Ndërsa varrimi do të bëhet nga ora 15:00, në "Varrezat e Hashanëve" në Obiliq.
 
Duke paraqitur rezultatet 1-20 (of 1284)
 |<  < 1 - 2 - 3 - 4 - 5 - 6 - 7 - 8 - 9 - 10  >  >| 

RSS

Sign in