Sot, u mbajt konferenca lansuese e projektit “Ngritja e kompetencave profesionale përmes zhvillimit profesional në fushën e menaxhimit, vlerësimeve, mendimit kritik dhe gjithë përfshirjes”, që financohet nga Komuna e Prizrenit, ndërsa implementohet nga Qendra për Avancimin e Performancës së Arsimit, me qëllim avancimin e cilësisë së arsimit në Komunën tonë.
Në këtë ngjarje morën pjesë edhe nënkryetari Kujtim Gashi dhe drejtoresha e DKA-së, Luljeta Veselaj-Gutaj, të cilët theksuan rëndësinë e këtij projekti për zhvillimin e arsimit dhe përshpejtimin e cilësisë në institucionet arsimore, që objektivë kryesore ka skanimin e gjendjes aktuale në arsimin e Prizrenit, ngritjen e performancës së personelit menaxhues dhe arsimor përmes trajnimeve e zhvillimit profesional si dhe hartimin e një Strategjie 5-vjeçare për Arsimin Parauniversitar.
