Bëhën homazhe në varrezat e dëshmorëve në Landovicë
2024/11/28 - 5:04
Dita filloi sot me homazhe në varrezat e dëshmorëve në Landovicë, ku i pranishëm ishte Kryetari Shaqir Totaj, së bashku me zyrtarë komunalë e institucionalë, familje të dëshmorëve, përfaqësues të organizatave të dala nga lufta e UÇK-së, veteranë të luftës dhe qytetarë të shumtë.
Gjatë kësaj ceremonie solemne u përkujtua dhe nderua vepra e të rënëve, si dhe kontributi i tyre i paçmuar për liri.
“Homazhet në varrezat e dëshmorëve janë moment i veçantë për kujtimin dhe respektin e atyre që dhanë jetën për atdhe, e i hapën rrugë të ardhmes së pavarur dhe të konsoliduar të Kosovës. Lavdi dëshmorëve, martirëve dhe heronjve të gjallë!” – u shpreh Kryetari Totaj.
