Komuna ndërton ambulancë për fshatrat Zojz dhe Medvec.

2011/09/02 - 12:00

Ambulanca e re do të ofrojë shërbime moderne dhe cilësore për qytetarët e këtyre fshatërave dhe shpresojmë shumë se me këto investime në shëndetësi, qytetaret do të ulin shpenzimet dhe kohën për të ardhur në qytet për kontrollime shendetësore.

Politikat shëndetësore dhe shërbimet për qytetaret tanë do të jenë prioritet për ne gjatë mandatit qeverisës dhe premtojmë se fuqishëm do të angazhohemi në ngritjen e infrastrukturës së nevojshme shëndetësore për të gjithë qytetaret tanë, në vendbanimet e tyre, pa pasur nevojë që të udhëtojnë drejt qytetit për shërbime të tilla.

Komuna jonë do të analizojë me kujdes të shtuar nevojat tjera për ndërtim të ambulancave në vendbanime tjera dhe sigurisht se në vijim do të ndërtojmë objekte të tilla aty ku do të këtë nevojë.
Deri me tani komuna jonë ka ndërtuar 43 objekte shëndetësore në fshatra dhe në qytetin e Prizrenit.
Objekti shëndetësor ka kushtuar rreth 30.000 euro dhe është tërësisht investim nga buxheti i komunës sonë.