Kryetari Shaqir Totaj priti në takim kampionet prizrenase të Kupës së Kosovës, vajzat e KBF “Junior 06”
2024/12/30 - 10:51
Kryetari Shaqir Totaj priti sot kampionet prizrenase të Kupës së Kosovës, vajzat e KBF “Junior 06” dhe përfaqësuesit e klubit, të udhëhequr nga trajneri Ramush Rushiti, për t’i uruar për suksesin e jashtëzakonshëm që arritën gjatë vitit që po e lëmë pas.
Klubi e nderoi Kryetarin Totaj përsëri me medalje, derisa shprehu falënderimet dhe respektin për angazhimin e tyre dhe përkushtimin në fushën e basketbollit.
Me këtë rast, Kryetari inkurajoi basketbollistet për ta vazhduar rrugëtimin sportiv, ndërsa Komuna e Prizrenit do të vazhdojë të ofrojë kushte dinjitoze për përgatitjet e sportistëve dhe do t’i mbështesë ata në çdo hap të karrierës së tyre.
