2010/12/31 - 12:00
Me rastin e ndërrimit të moteve autoritetet komunale kanë ndërmarrë disa aktivitete me qëllim të krijimit të një atmosfere sa më të mirë për qytetarët mitrovicas. Në këtë kuadër me kohë është stolisur qyteti dhe kjo është mundësuar sikur në vitet paraprake në bashkëpunim me kompanitë e ndryshme. Një aktivitet tjetër për festat e fundvitit ka organizuar Drejtoria për Kulturë, Rini e Sport që në bashkëpunim me Shoqatën e Muzicientëve ka organizuar të enjten një koncert për fëmijë në qendrën e kulturës “Rexhep Mitrovica”.
Ndërsa Drejtoria për Shëndetësi dhe Mirëqenie Sociale, ka organizuar të premten shpërndarjen e rreth 400 pakove festive për banorët e veriut të qytetit, mandej për ata të fshatrave të veriut etj. Përveç tyre, pako festive janë ndarë edhe për personat me aftësi të kufizuar në Mitrovicë.
