Përfaqësues të Komunës së Mitrovicës dhe shoqatave të dala nga lufta e Ushtrisë Çlirimtare të Kosovës (UÇK) nderuan kujtimin e heroit duke vendosur buqeta me lule të freskëta te shtatorja e tij në sheshin e qytetit.

Përmes këtyre homazheve, përfaqësuesit komunal kanë përkujtuar sakrificën sublime të heroit të kombit Mehë Uka, i cili dha jetën e tij për lirinë dhe pavarësinë e vendit tonë.

Në këtë përvjetor, u theksua vlerësimi dhe respekti për gjithë ata që sakrifikuan për atdhenë, duke i dhënë lavdi Mehë Ukës dhe të gjithë dëshmorëve të kombit.