2010/05/18 - 12:00
Ka dalur nga shtypi numri i 18 i revistës letrare “Fjalë e Valë” që përgatitet nga Shoqata e Shkrimtarëve të Mitrovicës “Jakup Ceraja” dhe që financohet nga Komuna e Mitrovicës. Në këtë numër janë përfshi krijime në poezi dhe prozë të autorëve të ndryshëm, kryesisht mitrovicas, por edhe nga trevat tjera. Revista hapet me një biografi të poetit nga Korça, Vehbi Skënderi, përderisa në vazhdim janë botuar disa poezi të tij. Poashtu në këtë numër të revistës letrare “Fjalë e Valë”, janë botuar edhe krijime të gjinive të ndryshme të autorëve mitrovicas Sabit Idrizi, Ejup Ceraja, Riza Haziri, Miftar Kurti etj. Poashtu janë përfshirë edhe autorë që merren me kritikë letrare, mandej letërsi popullore dhe kujtime.
