2011/03/15 - 12:00
Përfaqësuesi i Qendrës për Hulumtime Psiko-Sociale dhe Mjekësore, Besnik Peci, ia dhuruar të martën kryetarit të komunës së Mitrovicës, Avni Kastratit, 30 fotografi të vjetra të qytetit. Peci tha se të gjitha fotografitë janë të rregulluara në kornizë dhe kanë edhe legjendat që sqarojnë vendin dhe vitin kur janë bërë. Ai tha se këto fotografi ruajnë një histori të vjetër dhe si të tilla paraqesin një thesar të rëndësishëm. “Në mesin e 30 fotografive, ka objekte të ndryshme, rrugë, sheshe, që u takojnë viteve të hershme të shekullit 20”.
Në anën tjetër, kryetari Kastrati, e ka falënderuar drejtuesin e kësaj qendre për këtë dhuratë të bukur. Tha se është një pasuri e rrallë që duhet të ruhet dhe gjithashtu të krijohen kushte që të jenë edhe në dispozicion të qytetarëve. “Për këtë qëllim këto fotografi do të vendosen në korridoret e komunës, ku mund të shihen nga qytetarët dhe vizitorët”.
