2010/08/13 - 12:00
Spitali i Mitrovicës deri më 2017 do të mbetet pa specialistë, ndërsa që gjendja e përgjithshme e shëndetësisë në Mitrovicë është shumë e rëndë kanë thënë grupi i ekspertëve të shëndetësisë. Mitrovicë, 13 gusht
Spitali i Mitrovicës deri më 2017 do të mbetet pa specialistë, ndërsa që gjendja e përgjithshme e shëndetësisë në Mitrovicë është shumë e rëndë kanë thënë grupi i ekspertëve të shëndetësisë.
“Në 2017 mund të fare të mbetemi pa specialist sepse një mori e ekspertëve mjekësorë shkojnë në pension kurse planifikimi i specialistëve nuk është bërë si duhet ka thënë Agim Peci nga grupi punues i ekspertëve për shëndetësinë në Mitrovicë, Vushtrri dhe Skënderaj.
Ai më tej ka shtuar se ka edhe probleme të tjera organizative, probleme tona të brendshme, madje edhe mungesa e motrave. “Pra duhet një riorganizim i brendshëm si zgjidhje akute shoh huazimin e kuadrove ku do të na ndihmon Ministria e Shëndetësisë dhe QKUK, kurse komuna të siguroj një bursë për qëndrim të kuadrove që ata të mos udhëtojnë”, ka thënë Peci.
Pastaj, problem është ai se a ka mundësi që ky shtet të mbaj një shëndetësi sekondare (në veri) dhe dy të tjera sekondare në jug të Mitrovicës dhe Vushtrri, në një territor prej 12 km. “Tri spitale në këtë hapësirë kaq të vogël është barrë e rënd për institucionet e qeverisë së Kosovës”, ka thënë Otorilaringologu mitrovicas.
Edhe diskutues të tjerë që kanë marr pjenë në grupin punues për shqyrtimin e gjendjes së shëndetësisë në Mitrovicë kanë specifikuar po thuajse të njëjta probleme, e sidomos të kuadrit i cili është që është i moshuar.
Sipas tyre, Kuvendi Komunal i Mitrovicës dhe Shëndetësia duhet të bëjë presion në Qeverinë e Kosovës, që të përgatisin kuadro për shëndetësinë e Mitrovicës. Në anën tjetër, kryetari i Komunës së Mitrovicës Avni Kastrati, ka theksuar se vlerësim i përbashkët është se situata në shëndetësinë e Mitrovicës është shumë e rënd, por nuk janë në gjendje të mirë as Skënderaj dhe Vushtrrija dhe kjo e vështirëson gjendjen e një popullate prej më shumë se 220 mijë banorësh.
Kastrati më tej ka thënë se tani kemi një situatë pak më të volitshme sepse kemi disa objekte spitalore në lagjen “Bair” dhe atje do të kryhen edhe disa të tjera deri në fund të vitit.
Por, sipas tij, problemi më i madh në shëndetësinë sekondare duhet të jetë ai i kuadrove (pak mjek specialist), pastaj mosha mesatare e kuadrove që punojnë është mbi 52 vjet.
Ndërsa, Safet Idrizi, përgjegjës i Shëndetësisë në Vushtrri, duke folur për problemet që po ballafaqohet tha se në këtë takim është dashur që të jetë dikush nga Ministria e Shëndetësisë e Kosovës, me qëllim që këto të dhëna t’i adresoj lartë
