Nënkryetari i Komunës së Mitrovicës, z. Arian Tahiri, ka pritur mëngjesin e sotëm nënkampionen e Evropës në Muay Thai, Agnesa Veselin, dhe trajnerin e saj, Shukri Sadiku.

Gjatë takimit, ata ndanë me nënkryetarin rrugën e tyre drejt suksesit, duke folur për sfidat dhe përpjekjet e mëdha që i kanë bërë për të arritur këtë rezultat.

Nënkryetari Tahiri e falënderoi sportisten dhe trajnerin për përkushtimin e tyre dhe theksoi se me suksesin e arritur e kanë bërë krenare Mitrovicën. Ai shprehu mbështetje të vazhdueshme për sportistët dhe angazhimin e Komunës për të ndihmuar zhvillimin e sporteve në Mitrovicë.