Pjesëmarrës në këtë ceremoni ishin drejtori i Drejtorisë për Shëndetësi, z.Fahri Shabani, drejtoresha e Drejtorisë së Arsimit, znj.Drita Kadriu, kryetari i Klubit të Rotarianëve të Mitrovicës, z.Bajram Mustafa, kryetari i fshatit Zabërgj, z.Halil Fejza, si dhe pjesëmarrës tjerë.

Në fjalën e tij drejtori për Shëndetësi, z.Shabani, ka falënderuar përfaqësuesit e Klubit të Rotarianëve për financimin e këtij projekti të rëndësishëm, ku pas renovimit të tërësishëm të këtij objekti, është siguruar edhe uji i pijshëm.

Ndërsa drejtoresha e Arsimit, znj.Drita Kadriu, tha se ky projekt nuk është vetëm një investim në infrastrukturë, por edhe në ndihmën që ofron për edukimin e brezave të rinj. Uji është jetë, dhe siç thotë një thënie e njohur ”Uji është burimi i jetës, ashtu si arsimimi është burimi i mundësive për një të ardhme më të mirë”.

Vlen të potencohet se ky projekt është financuar dhe mbështetur nga Klubi i Rotarianëve të Mitrovicës.