Urime viti i ri shkollor 2024-2025!
2024/09/05 - 8:51
Të dashur nxënës, të nderuar mësimdhënës e prindër,
Viti i ri shkollor 2024-2025 do të fillojë të hënën, me datë 2 shtator 2024, në të gjitha shkollat e komunës sonë.
Janë bërë të gjitha përgatitjet e duhura për një fillimvit të mbarë shkollor. Sivjet, vitin e ri shkollor e nisim me disa ndryshime në objekte dhe orare të mësimit.
Nxënësit e gjimnazit “Hamëz Jashari” në Skënderaj, do ta fillojnë mësimin në objektin e vjetër të gjimnazit, i cili tashmë është rinovuar dhe është i gatshëm për mbajtjen e mësimit në të, me dy ndërrime.
Nxënësit e klasave 6 – 9 nga shkollat e mesme të ulëta : “Shaban Jashari” dhe “Ahmet Delia” në Skënderaj, do ta nisin këtë vit shkollor në objektin e ri të gjimnazit “Hamëz Jashari” , ku do të punohet me dy ndërrime.
Ndërsa, nxënësit e dy shkollave fillore: “Shaban Jashari” dhe “Ahmet Delia” në Skënderaj do ta fillojnë këtë vit shkollor në objektet e këtyre dy shkollave, me një ndërrim, prej orës 8:00.
Shpresojmë se procesi edukativo- arsimor do të na shkojë mbarë dhe me suksese të shumta.
Urime viti i ri shkollor 2024-2025!
Suksese!
