Fillimisht, u shqyrtua procesverbali i mbledhjes së mbajtur më datë 23.11.2023. Më pas, anëtarët e Kuvendit parashtruan pyetje për ekzekutivin, përgjigjet e të cilave i morrën nga Kryetari i Komunës Ardian Gjini dhe drejtorët komunalë.

Pikat tjera të cilat u diskutuan gjatë kësaj mbledhjeje janë:

Raporti mbi gjendjen ekonomiko-financiare dhe zbatimi i planeve investuese në komunën e Gjakovës për vitin 2023;

Rishqyrtimi i vendimit të Kuvendit të datës 23.11.2023;

Shqyrtimi i Planit të Punës së Kuvendit të Komunës për vitin 2024;

Plani Lokal i Veprimit për Barazinë Gjinore 2024-2026;

Raporti i Granteve për Biznese për vitin 2023;

Raporti i Punës i Drejtorisë për Bujqësi, Pylltari dhe Zhvillim Rural Janar-Dhjetor 2023 dhe

Raporti vjetor i Ngrohtores së Qytetit për vitin 2022

Të gjitha pikat e rendit të ditës u votuan nga shumica e asambleistëve.