Pëllumb Vula, udhëheqës i këtij ansambli tha që kjo CD vjen si dhuratë për të gjithë adhuruesit e muzikës klasike, në pamundësi për të realizuar koncerte për shkak të pandemisë.

Ndërkaq kryetari i Komunës, Ardian Gjini tha që është bërë një punë e jashtëzakonshme tash e disa vjet. “Komuna e Gjakovës ka fituar një kopertinë me të cilën do të mburremi. Unë gjithmonë e kam pritur me padurim koncertin e fundvitit të këtij Ansambli që gjithmonë na ka dhuruar momente të bukura”, përfundoi Gjini.

Muzikë Dhome përmban muzikë të shekujve të ndryshëm, e cila kryesisht është muzikë absolute e bazuar në vepra.

CD përmban dymbëdhjetë orkestrime muzikore dhe realizimi i saj është mbështetur nga Komuna e Gjakovës, DKRS si dhe regjistrimi i saj nga Art Sound Studio e udhëhequr nga Artan Bakija.