2018/04/13 - 2:05
Në Komunën e Podujevës u mbajt takim konsultativ me qëllim të prezantimit të procesit të hartimit të Hartës Zonale të Komunës (HZK) dhe shkëmbim të opinioneve për të mundësuar gjithëpërfshirjen e palëve të interesit në programe, projekte dhe strategji të ndryshme gjatë hartimit të HZK.
Në takimin konsultativ që u mbajt sot në Sallën e Kuvendit Komunal, mori pjesë edhe nënkryetari i Komunës, Nexhmi Rudari, drejtori i Drejtorisë së Planifikimit Urban dhe Mbrojtjes së Mjedisit, Hamdi Jaha, përfaqësuesja e GIZ-it Rudina Qerimi dhe përfaqësues të fshatrave, ndërmarrjet publike, shoqëria civile dhe mediat.
Në takimin e sotëm u prezantua procesi i hartimit të Hartës Zonale të Komunës (HZK) dhe shkëmbim të opinioneve për të mundësuar në gjithëpërfshirjen e palëve të interesit ne programe, projekte dhe strategji të ndryshme gjatë hartimit të HZK.
Gjatë takimit u bë zyrtarizmi i Ekipit Komunal të Planifikimit (EKP) dhe Ekipit Këshillues i Komunitetit (EKK).
Lidhur me procesin e hartimit të Hartës Zonale foli nënkryetar i Komunës, Nexhmi Rudari, duke thënë se ky proces ka një rëndësi të madhe për planifikimin urban në territorin e komunës sonë.
Drejtori i Urbanizmit, Hamdi Jaha, foli për proceset kyçe të planifikimit hapësinor në Komunën e Podujevë dhe procesin e hartimit të HZK dhe rolin e EKK dhe EKP.
Ndërsa, Rudina Qerimi nga GIZ-i tha se Komuna e Podujevës ka një përparësi në këtë proces, sepse tashmë e ka të miratuar Planin Zhvillimor Komunal.
Plani Zhvillimor Komunal është baza mbi të cilën do të hartohet Harta Zonale.
