Drejtori i Drejtorisë së Shërbimeve Publike, Mbrojtje dhe Shpëtim, Faik Muçiqi e informoi Kuvendin lidhur me propozim vendimin për subvencionimin e shpenzime për shërbimin e varrimit të qytetarëve, në bazë të kërkesës së Këshillit të Bashkësisë Islame në Podujevë, për vazhdimin e mbështetjes së shërimeve të varrimit.
Pas diskutimeve lidhur me këtë çështje, Kuvendi miratoi vendimin për subvencionimin e shpenzime për shërbimin e varrimit të qytetarëve me vendbanim të përhershëm në territorin e Komunës së Podujevës, i cili do të vlejë deri më 31.12.2020.
Ndërsa, drejtori i Drejtorisë për Buxhet dhe Financa, Isuf Latifi, prezantoi propozimin e Rregullores për tatimin në pronën e palujtshme për vitin 2019
Drejtori Latifi tha se normat tatimore për vitin 2019 për të gjitha kategoritë, me përjashtim të kategorisë pronë publike, bëhet konform Ligjit nr.06/L-005 për tatim në Pronën e Palujtshme.
Pas diskutimeve, Kuvendi miratoi Rregulloren për tatimin në pronën e palujtshme për vitin 2019
Në mbledhjen e sotme, Kuvendi me shumicë votash miratoi edhe vendimin për shpallje interes publik (ndërtimi i rrugës përgjatë brezit të lumit Llap në qytet).
Kuvendi gjithashtu miratoi vendimin për zëvendësimin e një anëtari të Komitetit për Komunitete nga radhët e komunitetit ashkali. Në vend të anëtarit të ndjerë Shaban Ahmeti – i cili ndërroi jetë para pak ditësh, anëtar i Komitetit për Komunitete u emërua Xhafer Ademi.