Sekretaria e Kuvendit të Komunës

Sekretaria e Kuvendit të Komunës do të jetë përgjegjëse veçanërisht për këto detyra:

Roli i Sekretarisë së Kuvendit është në dhënien e shërbimit profesional për anëtarët e Kuvendit, komisionet, komitetet dhe trupat tjera të themeluar nga Kuvend i Komunës.
Sekretaria e Kuvendit është një zyre profesionale që për Kuvendin, komisionet, komitetet dhe trupat tjera te themeluara nga Kuvendi, kryen këto detyra dhe është përgjegjëse për:

Përgatitë ftesën dhe rendin e ditës për mbledhje në aspektin teknik, gjuhësor pas pranimit të pikave të propozuara nga kryetari dhe kryesuesi;
Shpërndan materialin në mënyrë elektronike dhe fizike;
Mban procesverbal për mbledhje të Kuvendit, komiteteve të përhershme dhe grupet punuese të themeluara nga Kuvendi;
Bën përkthimin e dokumenteve në gjuhë zyrtare, lekturimin si dhe arkivimin e tyre;
Jep këshilla profesionale në raport me temat që trajtohen;
Bën hartimin e statuteve, vendimeve, rregulloreve dhe akteve tjera juridike duke u kujdesur për teknikën e hartimit të tyre në bashkëpunim dhe konsultë me drejtorët e drejtorive;
Konstaton kuorumin e nevojshëm për fillimin e mbajtjes së mbledhjeve si dhe bën numërimin e votave gjatë çdo procesi vendimmarrës;
Kujdeset që dërgimi i akteve të procedohet për shqyrtim të ligjshmërisë brenda afateve ligjore në Ministrinë e Administrimit të Pushtetit Lokal;
Pas konfirmimit të ligjshmërisë së akteve të Kuvendit nga Ministria e Administrimit të Pushtetit Lokal, bënë publikimin e tyre në gjuhët zyrtare në ueb faqen e Komunës.
Koordinon pyetjet dhe kërkesat shtesë nga anëtarët e Kuvendit, komitetit, komisionit apo trupave tjera të themeluar nga Kuvendi për kërkesat që janë objekt shqyrtimi.

Sekretaria e Kuvendit shërben edhe si zyre profesionale ndërlidhëse me Ekzekutivin e Komunës, qytetarët dhe palët tjera të interesuara për kërkesa që adresohen në Kuvend, komitete, komisione apo trupa tjera të themeluar nga Kuvendi:

Pranon kërkesat që dërgohen nga Zyra e Kryetarit të Komunës, drejtoritë, qytetarët dhe palët tjera të interesuar;
Njofton palët për plotësimin e dokumentacionit dhe materialeve shtesë të nevojshme në harmoni me LVL-në;
Njofton parashtruesit e kërkesave se kur do shqyrtohen kërkesat në Kuvend, komitete, komisione apo trupa tjera të themeluar nga Kuvendi;
Njofton palët lidhur me afatin e dhënies së përgjegjës;
Njofton palët se a është e nevojshme prania fizike në mbledhje për të dhënë sqarime;
Njofton palët për epilogun e kërkesave si dhe ju dërgon përgjigjen në harmoni me LVL-në.