Drejtoria për Arsim ka realizuar sot takim me psikologet e shkollave të Vushtrrisë, këshilltaret e karrierës dhe pedagoget.

Ky takim është mbajtur me qëllim të koordinimit të punëve, thellimit të bashkëpunimit, e po ashtu edhe hartimi i Strategjisë së bashkëpunimit në mes psikologut, nxënësit, prindit, mësimdhënësve dhe institucioneve profesionale për përmirësimin e mësimnxënies dhe njëherit për të promovuar zhvillimin kognitiv, emocional, social dhe personal të të gjithë nxënësve.

Në takim mori pjesë edhe drejtori i Arsimit, Albanez Tahiraj.

Po ashtu, në këtë takim u diskutua edhe për hartimin e një plani të veprimit, ku psikologet e angazhuara momentalisht në shkolla të realizojnë vizita edhe në shkollat e tjera të Komunës së Vushtrrisë.