Republika e Kosoves

Vushtrri

Profili i Kryetarit

Z.Xhafer Tahiri

Kryetar i Komunës së Vushtrrisë

 

Kryetari, Xhafer Tahiri është i lindur më 15 gusht 1983 në fshatin Stanoc i poshtëm, Vushtrri.

Është i martuar me znj. Igballe Perquku-Tahiri, ata janë prindër ti tri vajzave: Melosa, Jara dhe Dua. Tahiri është ligjërues në Fakultetin Juridik, Universiteti i Prishtinës “Hasan Prishtina”.  Më parë ka qenë ligjërues edhe në Fakultetin Juridik, Universiteti “Haxhi Zeka”, Pejë.  Ka ushtruar edhe profesionin e Avokatit në Prishtinë.

Në vitin 2014, z. Tahiri ka qenë Profesor Vizitues në SHBA, në Ohio Northern University. Gjatë kësaj periudhe ka mbajtur ligjërata për programin LLM të këtij Universiteti.

Ka marrë pjesë në konferenca shkencore në Evropë dhe SHBA ku ka publikuar edhe punime shkencore në revista prestigjioze.

Shkollimi:

  • Shkollën fillore e ka kryer në vendlindje, Shkolla “Nazmi Zhegrova”, në fshatin Stanoc i Poshtëm, Vushtrri;
  • Shkollën e Mesme e ka kryer në Prishtinë, në Medresenë “Alaud-din”;
  • Në vitin 2004, ka diplomuar në Universitetin e Prishtinës, Fakulteti Juridik;
  • 2005 ka kryer studimet Master në Shkenca Politke, në “Institucionet dhe Politikat e Bashkimit Evropian” në Fakultetin e Shkencave Politike, Univer siteti i Bolonjës në Itali;
  • Në vitin 2007, ka qëndruar për trajnime në Akademinë Diplomatike të Holandës, në Netherlands Institute of International Relations Clingendael;
  • Në vitin 2008, ka kryer akademinë diplomatike shqiptare. Aktualisht z. Tahiri i vazhdon studimet e doktoratës në drejtësi në Fakultetin Juridik, Universiteti i Grazz në Austri.
  1. Tahiri është njohës i këtyre gjuhëve të huaja: Anglisht, Italisht, Serbo-Kroatisht, si dhe Arabisht dhe Turqisht.
  2. Tahiri ka qenë Kryetar i Forumit të Rinisë së LDK-së në Vushtrri dhe nga kjo pozitë është zgjedhur edhe Kryetar i FRLDK-së në nivel nacional në vitet 2009-2012. Si përfaqësues i rinisë së LDK-së është zgjedhur deputet i Kuvendit të Republikës së Kosovës.

Përvoja profesionale: Përvoja profesionale e z. Tahiri me herët ndër të tjera përfshinë:

  • 2014- Deputet i Kuvendit të Republikës së Kosovës;
  • 2006-2016, Drejtor i Departamentit për Çështje Ligjore dhe Marrëdhënie Ndërkombëtare, Zyra e Presidentit të Republikës së Kosovës;
  • 2016-2017-Drejtor i Përgjithshëm, Agjencia për Pronësi Industriale e Kosovës, Kryetar i Këshillit Shtetëror për Pronësi Intelektuale;
  • 2007-2009, anëtar i Këshillit Mbikqyrës të Agjencisë Antikorrupsion të Kosovës.