Sot është bërë përurimi i punëtorive të instalimit elektrik dhe të ngrohjes qendrore në shkollën teknike “Lutfi Musiqi” në Vushtrri, që janë financuar nga LuxDev.

Në përurim mori pjesë edhe kryetari i Komunës së Vushtrrisë, z.Ferit Idrizi, ku bashkë me udhëheqësin e programit në LuxDev, z.Daniele Cristian Passalacqua, shikuan nga afër punën praktike të nxënësve të kësaj shkolle.

Kryetari Idrizi, tha se investimet në punëtoritë e shkollës ndikojnë drejtpërdrejt në kualitetin e mësimdhënies dhe mësimnxënies, derisa theksoi rëndësinë e mësimit dual.