PËRGJEGJËSITË

Ky Drejtorat është përgjegjës për:
a) ruajtjen e tokave bujqësore nga degradimet fizike dhe kimike,
b) hartimin e programeve për zhvillimin e të gjitha degëve të bujqësisë,
c) hartimin e programeve për industrinë përpunuese të produkteve bujqësore dhe për
investime kapitale në infrastrukturën e bujqësisë,
d) mbikëqyrjen e zhvillimit të bujqësisë dhe prodhimin e ushqimit në Komunë,
e) mbikëqyrjen e veprimtarisë në lëmin së pylltarisë dhe kujdeset për mbikëqyrjen e
resurseve pyjore,
f) mbikëqyrjen dhe hartimin e programeve për mirëmbajtjen e sistemeve të vjetra që nuk
përfshihen me Hidrosistemin “Radoniqi”,
g) hartimin e programeve për ruajtjen dhe shumimin e peshqve në lumenj dhe liqene.
h) mbikëqyrë aktivitetet që synojnë zhdukjen e insekteve, parazitëve, sëmundjeve të
bimëve apo shkaktarëve të tjerë destruktiv në natyrë,
i) merr pjesë dhe mbikëqyrë aktivitetet e mbrojtjes së mjedisit që kanë të bëjnë
bujqësinë, pylltarinë, gjuetinë, peshkimin dhe menaxhimin e resurseve ujore sipas Ligjit të
ujit,
j) në bashkëpunim me Ministrinë e Shëndetësisë dhe Ministrinë e Mjedisit dhe
Planifikimit Hapësinor mbikëqyrë kontrollin e cilësisë së ushqimeve dhe lëndëve të para
bujqësore me qëllim të mbrojtjes së konsumatorit,
k) hartimin e programeve të zhvillimit të hortikulturës dhe agrobiznesit,
l) përmbush edhe detyrat dhe urdhëresat që i caktohen nga Kryetari dhe Kuvendi.
Neni 61
Zbatimin e të gjitha përgjegjësive të përshkruara në nenet: 50,51,52,53,54,55,56,57,58,59,
dhe 60 të këtij Statuti, do ta bëjnë drejtorët e drejtorive përkatëse, në koordinim dhe
bashkëpunim të ndërsjellët, nën mbikëqyrjen e Kryetarit dhe Kuvendit të Komunës.