2018/05/25 - 10:26
Shkolla fillore e mesme e ulët “Azem Bejta”, në fshatin Grabanicë, ka shënuar përvjetorin e ditës së themelimit të saj. Me këtë rast, mori pjesë kryetari i komunës së Klinës, Prof. Dr. Zenun Elezaj, i shoqëruar nga drejtori i Drejtorisë së Arsimit, Prof. Arben Limani. Në këtë manifestim morën pjesë edhe nxënës, mësimdhënës të kësaj shkolle, po ashtu edhe drejtorë të shkollave të Klinës, prindër etj.
Kryetari i komunës së Klinës, Prof. Dr. Zenun Elezaj, me fjalën e tij, duke iu drejtuar të pranishmëve uroj nxënësit, mësimdhënësit, prindërit dhe gjithë të pranishmit këtë shënim të rëndësishëm të rritës së kësaj shkolle. Në vijim, Kryetari Elezaj theksoi se ky moment është ngjarje e rëndësishme për shkollën tuaj dhe tonën dhe për shkollën shqipe në përgjithësi. Keni për obligim që profesionin që ua kemi besuar të kryeni me dinjitet të lartë. Shpresojmë se këtë detyrë të shenjtë do ta kryeni në mënyrë dinjitoze. Këta nxënës që sot gjenden para nesh janë e ardhmja e ndritshme e këtij vendi. Besoj se do të jetë një përkushtim i veçantë i institucioneve të Komunës së Klinës dhe të Republikës së Kosovës që të krijohen mundësi sa më të mira për krijimin kushteve më të favorshme për aftësimin dhe zhvillimin intelektual dhe fizik të nxënësve, dhe ky përkushtim do të vazhdojë në vazhdimësi, në mënyrë që arsimi ynë të konsolidohet plotësisht dhe të bëhet pjesë e rëndësishme e zhvillimeve arsimore në rajon në shërbim të ndryshimeve dhe të forcimit të pavarësisë dhe të sovranitetit të Republikës së Kosovës.
Suksese dhe mbarësi në rrugën tuaj të dijes!
Gëzuar kjo Ditë e bukur e shkollës!
