Kryetari i Komunës së Klinës, Prof. Dr. Zenun Elezaj, bashkë me përfaqësuesen e Zyrës për Komunitete, Silvija Raskoviq, kanë pritur në vizitë, në fshatin Videjë, komandantin e Komandës Rajonale të KFOR-it Perëndim, kolonel Rocco Mundo, i cili me personelin e tij i kanë dhuruar mobilie dhe aksesorë Qendrës së Kulturës Rinore që gjendet në fshatin Videjë.
Në këtë ceremoni për pranim-dorëzimin e këtij donacioni, kryetari Elezaj theksoi se angazhimi i KFOR-it në mbështetjen e institucioneve lokale mbetet thelbësor dhe e ka cilësuar këtë ndihmë si një hap të rëndësishëm për raporte të qëndrueshme e reciproke mes Komunës dhe KFOR-it. Ai, gjithashtu, i falënderoi dhe shprehu mirënjohje për gjithë kontributin e tyre të deritanishëm.