Asfaltohet rruga e fshatit Leskoc të Klinës
2013/05/24 - 12:00
Firma që do t’i kryej punime është AIM nga Klina
Kanë filluar punimet në asfaltimin e rrugës së fshatit Leskoc të Komunës së Klinës, e cila është e gjatë 2.7 km dhe do të kushtoj 140 mijë euro. Është ky projekt i përbashkët në mes Komunës së Klinës dhe banorëve të këtij fshati. Me 15 mijë euro kanë kontribuar komuniteti i këtij lokaliteti. Me ketë rast është mbajtur edhe një ceremoni në të cilin përveç banorëve të Leskocit, ka marrë pjesë edhe kryetari i Komunës së Klinës, Sokol Bashota si dhe zyrtarë të tjerë. Asfaltimi i kësaj rrugë do të krijon një lehtësi të madhe në lëvizjen e qytetarëve dhe lidhje me të mirë me qendrën komunale. Kemi premtuar dhe tash po e realizojmë ketë projekt, kjo dëshmon se strukturat komunale janë të përkushtuar në përmirësimin e jetës së qytetarëve. Ky projekt është në vazhdën e shumë projekteve dhe zhvillimeve pozitive që po ndodhin në ketë komunë, u ka thënë Bashota, banorëve të Leskocit.
