Është bërë inaugurimi i objektit të ri të Komunës së Klinës

2011/11/29 - 12:00

Në një ceremoni festive është bërë inaugurimi i objektit të ri të Komunës së Klinës.

Kryeministri i Republikës së Kosovës Hashim Thaçi i shoqëruar

nga zëvendëskryeministri Hajredin Kuqi si dhe deputet , zyrtar dhe qytetar të shumtë kanë marr pjesë në inaugurimin e objektit të ri të Komunës së Klinës. Gjatë kësaj ceremonie kryeministri i Kosovës Hashim Thaçi është shprehur se: si kryeministër i Republikës së Kosovës ndjehem jashtëzakonisht mirë dhe i nderuar që marr pjesë në inaugurimin e objektit të ri të Komunës së Klinës. E përgëzoj kryetarin e komunës Sokol Bashota dhe uroj të gjithë qytetaret e Klinës për këtë vepër madhështore , që është bërë fal punës dhe angazhimit konkret të kryetarit Bashota ka thënë kryeministri Thaçi.

Kryetari i komunës Sokol Bashota e ka falënderuar kryeministrin e Republikës së Kosovës Hashim Thaçin për ndihmën dhe përkrahjen që i ka dhënë kryeministri Thaçi dhe Qeveria e Kosovës në realizimin e shumë projekteve të infrastrukturës , që kanë ndikuar në përmirësimin e jetës së qytetareve të komunës së Klinës. Kryetari Bashota tha se ndihem krenar dhe i privilegjuar sot para jush t’ia uroj ndërtimin e objektit komunal , i cili ofron kushte bashkëkohore dhe motive për ngritje të cilësisë së shërbimeve të administratës komunale. Të nderuar qytetar dhe punëtor të administratës komunale, objekti modern i komunës është referencë e veçantë se Klina ka ndryshuar dhe ju jeni pjesë e këtij ndryshimi që do të vazhdoj me realizim projektesh të tjera në rrugën ton të ndryshimit , të zhvillimit dhe të integrimeve.

E gëzofshim bashkë shtëpinë e re ! Urime dhe me fat !