MESAZHI I URIMIT TË KRYETARIT ELEZAJ PËR FESTËN E KURBAN BAJRAMIT

2021/07/21 - 1:44

Kryetari i Komunës së Klinës, Prof. Dr. Zenun Elezaj, ka uruar besimtarët myslimanë me rastin e festës së Kurban Bajramit.

Në mesazhin e urimit thuhet:

“Të nderuar qytetarë e bashkatdhetarë, me rastin e festës së Kurban Bajramit, në emrin tim dhe të Komunës së Klinës, ju shpreh urimet më të sinqerta për këtë festë të gjithë besimtarëve myslimanë, duke ju dëshiruar shëndet, begati e mbarësi në familjet tuaja.

Në këtë festë të flijimit, veçanërisht uroj familjet e dëshmorëve, martirëve e veteranëve të luftës së UÇK-së!

Po ashtu, urime të përzemërta për bashkatdhetarët tanë që jetojnë e veprojnë jashtë atdheut, por që çdo verë e festë i japin gjallëri Klinës e Kosovës.

Duke u lutur për më shumë begati e shëndet për ju, ju uroj të gjithëve festen.”