Miratohet lista për projektin SPARK 022 për fshatin Rudicë
2009/03/18 - 12:00
Takimi i radhës i Grupit Komunal për kthim në punimet e tij miraton edhe projektet që fillojnë të jetësohen Klinë 18 mars
Kryesuesi i Asamblesë Komunale z. Zenun Zeqa në fjalën e tij hyresë u shpreh se Kuvendi në vazhdimësi ka projekte për të përkrahur procesin e kthimit, mirëpo shumë nga këto projekte janë të kushtëzuara më sigurimin e mjeteve për tu jetësuar.
Ne kemi edhe konceptdokumente të aprovuara që presin të jetësohen por për ketë na nevojiten mjetet e nevojshme.
E rëndësishme është se klima për kthim është një klimë që nuk pengon kthimin po kemi një lëvizje të lirë dhe pa pengesa dhe probleme për të gjithë të kthyerit.
Ndërsa në fjalën e tij përfaqësuesi i SHPK-së Halil Bimbashi ka sqaruar për gjendejn e sigurisë në Klinë si dhe ka potencuar rastin e djegjës së dy shtepive të ndertuara në vitin 2005 por që janë pabanuara në fshatin Dërsnik.
Për të rejat e fundit lidhur me procesin e kthimit raportuan zyrtarja për kthim Sevdije Ismajli.
Më prezentimin edhe të përfituesve të fshatit Rudicë të paraqitur nga kordinatori Kolë Berisha u bë edhe miratimi i listës për projektin SPARK 022, për fshatin Rudicë.
Ndërkohë Kolë Berisha, është shprehur se ka shumë kërkesa për projekte ballansuese por ato nuk përcaktohen nga ne. Berisha nder të tjera paraqiti edhe një sugjerim të Ministrisë për Kthim dhe Komunitete sipas të cilit kjo Ministri është e disponuar të investoj 320 mijë euro në realizimin e projektit të kthimit të të zhvendosurve në Pograxhë por që duhet të shkurtohen limitet buxhetore të parapara dhe se rehabilitimin e rrugës dhe rrymës ta kryej komuna ndërsa urën KFOR-i.
Ne ketë takim edhe disa përfaqësues të komunitetit RAE paraqiten disa nga rastet më shqetësuesi të këtij komuniteti që janë të nevojshme për të siguruar strehimin dhe banimin.
Përfaqësuesit e OJQ-ve që janë të preokupuara më procesin e kthimit dhanë disa nga hollësitë dhe projektet që janë në realizim e sipër.
Ndërsa përfaqësuesi i UNDIP-së falëndëroi Kuvendin Komunal dhe vlerësoi lart punën dhe angazhimin në procesin e kthimit.
Ai poashtu potencoi edhe ambasadën Briatnike si një nga donatorët e projekteve të kthimit në komunën e Klinës.
Njeherësh vlerësoi edhe punën e Këshillit Punues Komunal për Kthim.
Zyra për inf. Pranë KK-së Klinë
