OSBE në bashkëpunim me zyrën për komunitete, duke u mbështetur në koordinatoren për të drejta për fëmijë kanë identifikuar një numër të fëmijëve duke i ndihmuar me një ndihme modeste.

Ramiz Rrusta,drejtor i Arsimit tha se shkollat i kanë dyert e hapura për të gjithë fëmijët. Tekstet janë të siguruar nga Ministria e Arsimit. Edhe për fëmijët që kanë kaluar moshën do të organizohet mësimi intensiv.

Vasiliki Chatikamari, përfaqësuese e OSBE-së, tha se arsyeja e kësaj ndihme modeste nga ana e OSBE-së, është rëndësia e edukimit. Ka grupe sociale që kanë nevojë për ndihmë dhe ne në bashkëpunim me komune e Klinës,po bëjmë përpjekje që t’i edukojmë edhe këta fëmijë . Ne vazhdimisht do të jemi në bashkëpunim me komunën rreth ndihmave për të gjithë fëmijët pa dallim, që kane nevoje për edukim.

Atifete Bytyqi, koordinatore për projektin tha se me përkrahje të OSBE-së, i kemi vizituar këta fëmijë dhe kemi vendosur t’i ndihmojmë me nga një qante, fletore,lapsa,ngjyra, goma.