Është mbajtur seanca X-të radhës së asamblesë komunale. Hapjen e seancës e bëri  kryesuesi asamblesë  Fadil Gashi, ku i njoftoi anëtaret e asamblesë se te pika e rendit të ndryshme të hynë edhe shqyrtimi dhe miratimi për shpalljen interes i përgjithshëm dhe publik të tokës urbane dhe shqyrtimi dhe miratimi i emrit të rrugës Tirana që të kthehet në emrin e Gjirokastra. Propozimi nga ana e kryesuesit është  miratuar nga ana e anëtareve të asamblesë duke vazhduar me pikat e radhës. Pasi që të gjithë anëtarët e kuvendit ishin prezent seanca vazhdoi me pikën e dytë shqyrtimi dhe miratimi i procesverbalit të seancës së kaluar, ku pas asnjë vërejtje është miratuar kjo pikë.  Pika e tretë e rendit të ditës, shqyrtimi dhe miratimi i Preferencave të KPF-së, ku kryesuesi i asamblesë Fadil Gashi tha se në bazë të kërkesave të ndryshme të qytetarëve për shqyrtim të tokave shoqërore , dy drejtori janë marr me shqyrtimin e këtyre kërkesave dhe ne kemi kërkuar një analizë të thellë profesionale për secilën kërkesë veç e veç ka thënë Gashi. Nga 11 kërkesa që kanë qenë, 6 kërkesa kanë marr pëlqimin e dy drejtorive, drejtorisë së Kadastrit,Gjeodezi dhe Pronësi dhe drejtorisë së Urbanizmit dhe Mbrojtjes së Mjedisit , këto kërkesa kanë kaluar për shqyrtim të mëtutjeshëm në Komitetin për Politik e Financa dhe sot në këtë seancë shpalli debatin e hapur për ketë pikë të rendit të ditës.

Haxhi Ibishi u shpreh se jam pro miratimit të kësaj pike,sepse  në KPF-ë edhe AAK-ja i ka pasur dy anëtar që kanë bërë vlerësimin e këtyre kërkesave. Jam për të mbrojtur pronën publike dhe të ruhet qyteti. Po ashtu, jam pro edhe për kërkesën e  lokacionit për varreza në fshatin Qabiq kur është e nevojshme pse mos te jepet, prandaj jam që të miratohet kjo pikë dhe mos të krijojmë kushte për debat. Nazmi Shala u shpreh se të gjitha partitë i kanë anëtaret e tyre në KPF-ë dhe po kërkohet ana profesionale prandaj nuk duhet të debatohet sepse këto janë debatuar në KPF-ë, dhe se tani po i marrim vetes kohë. Komiteti i lehtëson punën kuvendit dhe jo të shqyrtohet edhe një herë. Halili Desku tha se duhet të ruhet imazhi i qytetit aty ku duhet dhe ku nuk duhet. Ne jemi këtu për t’u marr me kërkesat e qytetareve por duhet të pasur kujdes se ku po kërkohet ,që mos të prishet imazhi i pronave publike. Qamile Qitaku tha se jemi para një akti të kryer, por unë mendoj që ne jemi të pa informuar, prandaj kërkoj që të formohet një komision që të biem një kontest  se a dëmtohet prona publike dhe sa janë reale këto kërkesa. Kryesuesi Fadil Gashi sqaroi se  secili subjekt partiak i ka anëtaret e vet në komision,pastaj i kemi edhe dy drejtorit që i kanë shqyrtuar këto kërkesa. Nga drejtorit është kërkuar që të na ndihmojnë , mua si kryesues dhe KPF-së, prandaj ne jemi këtu që duhet t’iu japim përgjigjeje qytetareve. Mrika Marku u shpreh se nuk ka arsye të kundërshtohet sepse është e qartë dhënia e pronës publike në shfrytëzim. Edhe Dylaman Gashi tha se këto kërkesa janë shumë të arsyeshme dhe nuk e di pse po diskutojmë. Pas debatit nga ana e anëtarëve të asamblesë është miratuar edhe kjo pikë e rendit duke vazhduar me miratimin e ndryshimit të emrit të rrugës Tirana, me një emër të një qyteti po ashtu nga Shqipëria , si Gjirokastra.