2012/11/01 - 12:00
Bashkëpunimi i OSBE-së me komunën e Klinës do të vazhdoj edhe në të ardhmen ka thënë Schlumberger.
Kryetari i komunës Sokol Bashota i ka uruar shefit të ri të OSBE-së Jean Claude Schlumberger, mirëseardhje në misionit e tij në Kosovë duke i uruar suksese në punë, dhe e ka njoftuar rreth zhvillimeve dhe të arriturat në komunën e Klinës. Po ashtu , e ka falënderuar OSBE-në për bashkëpunim duke thënë se komuna është mjaft e kënaqur me stafin e juaj, është staf i përgjegjshëm dhe jam mirënjohës për bashkëpunim.
Shefi i OSBE-së Jean Claude Schlumberger gjatë vizitës që i ka bërë komunës Klinës është shprehur se : Jam i ri në detyrën time në Kosovë dhe kam kënaqësinë që vizitën e parë ta bëj në këtë rajon dhe që e vizitoj komunën e Klinës. Është mirë për mua sot që marr lëvdata për punën e stafit tim këtu në komunën tuaj dhe për marrëdhëniet e mira të OSBE-së me komunën e Klinës, bashkëpunimi i OSBE-së me komunën e Klinës do të vazhdoj edhe në të ardhmen ka thënë Schlumberger.
