2018/12/10 - 4:38
Në fshatin Budisalc të Komunës së Klinës është shënuar dita e shkollës, e cila mban emrin e humanistes më të madhe të kombit dhe të universit botëror, shenjtëreshës “Nënë Tereza”.
Në këtë manifestim solemn ishte i pranishëm edhe kryetari i Komunës sv Klinës, Prof. Dr. Zenun Elezaj me bashkëpunëtorët e tij, nënkryetarin e Komunës, prof. Besim Hoti, kryesuesin e Kuvendit, z. Fadil Gashi dhe drejtorin e DKA-së, prof. Arben Limani.
Kryetari Elezaj, në fjalën e tij të rastit, para nxënësve, mësimdhënësve, prindërve dhe të pranishmëve të tjerë , theksoi se Komuna e Klinës me Drejtorinë saj të Arsimit, ka vënë në prioritet shumë çështje që lidhen me arsimin dhe edukimin e nxënësve, si ngritjen e infrastrukturës shkollore nëpër shkolla, zbatueshmerinë e reformave mësimore etj. “Besoj se do të jetë një përkushtim i veçantë edhe i institucioneve të Republikës së Kosovës që të krijohen mundësi edhe më të mira në fushën e arsimit dhe të edukimit të këtyre brezave dhe të krijohen kushte të mira edhe për gjeneratat që vijnë. Mësimi dhe edukimi janë investimet më të sigurta për një shoqëri të zhvilluar”, theksoi kryetari Elezaj,
Në fund të programit u ndan mirënjohje për të gjithë ata, të cilët kontribuuan në rrugën e dijes në këtë shkollë ndër vite.
