2018/08/03 - 4:56
Kryetari i Komunës së Klinës, Prof. Dr. Zenun Elezaj i shoqëruar nga drejtori i Kulturës, Rinisë dhe Sportit, Skender Merturi, sot e vizitoi stadiumin ”18 qershori” në Komunën e Klinës të pranishëm ishin edhe Drejtori i Klubit, Fabian Veseli dhe Presidenti i Klubit, Binak Kalludra, kjo vizitë është bërë lidhur me punimet që po kryhen për renovimin e fushës së futbollit me qëllim që të krijohen kushte më adekuate për sportin dhe zhvillimin e mëtutjeshëm të tij.
Në vazhdën e këtyre punimeve është instaluar edhe sistemi i ujitjes në mënyrë që sportistët e Komunës së Klinës të kenë një hapësirë sa më të përshtatshme për të zhvilluar ndeshjet.
Kryetari Elezaj u shpreh shumë i kënaqur me dinamikën e punimeve, sipas tij ky stadium do të bëhet gati për gara të klubeve në afatin e paraparë. Kështu me këtë ritëm të punës, stadiumi jonë dita-ditës po merr pamje tjetër.