Projekti Ndërkufitar Majet e Ballkanit Kosovë Mali i Zi Shqipëri
Projekti “Majat e Ballkanit” përzgjedhet në finalen përfundimtare të WTTC – World Travel and Tourism Council.
Projekti tuistik ndërkufitar ” Majat e Ballkanit”, që ka të bëjë me zhvillimin e turizmit malor i cili është realizuar në pikën e trekufirit shtetërorë të shteteve të Kosovës – Malit të Zi – Shqipërisë, ka hyrë në përzgjedhjen finale, gjegjësisht në : top 3 -shen e nominimit për fitimin e shpërblimit të WTTC për ”Turizmin e së nesërmes”, “Tourism for Tomorow Awards“.
Çmimi me këtë rast ipet për implementim më të suksesshëm të formave të turizmit të qëndrueshëm në nivel të destinacionit.
Përveç këti projekti, i cili është realizuar bashkërisht nga Mali i Zi, Shqipëria dhe Kosova, nën patronatin e ORF-ës (Fondi i Hapur Rajonal për Tregtinë e Jashtme), i financuar nga Qeveria Gjermane dhe i zbatuar nga GIZ-i, për këtë çmim janë të nominuar edhe kandidatët :
Sentosa Development Corporation i Singaporit
Këshilli Turistik i Butan-it.
Duke u bazuar në ate se jemi kualifikuar në garën e ngushtë për të fituar çmimin e parë jemi duke punuar me përkushtim për ta fituarë këtë shpërblim.
Projekti ka krijuar bazën për zhvillimin e destinacionit turistik ndër-kufitar me emrin “Majet e Ballkanit” në trekëndëshin kufitar të Shqipërisë, Kosovës dhe Malit të Zi si destinacione turistike unike të veçanta dhe atraktive. Në këtë mënyrë, turistët mund të kënaqen me një kombinim të mirës dhe të bukurës së secilit vend, një shumëllojshmëri të shërbimeve, kombinimin e kulturave dhe traditave, si dhe bukuritë e paprekura të natyrës.
Për atë, secili destinacion i veçantë e rritë atraktivitetin për vizitorët e vet .
Projekti në përbërjen e sajë ka identifikuar dhe zhvilluar shtegun malorë “Majat e Ballkanit” prej 192 km i cili lidh fshatërat malore nga të tri shtetet. Poashtu në përbërjen e këti projekti është realizuar bashkpunim i suksesshëm në mes të policive kufitare dhe janë dakorduar me autoritetet përkatëse, procedurat e kalimit të kufirit për alpinistët si dhe sistemi i sigurisë në male, trajnimet e udhrëfyesve malor me standarde internacionale, trajnimet e femrave në ngritjen e cilësisë së shërbimeve dhe ushqimit, forcimi i rrjeteve turistike rajonale, si dhe promovimi i shtegut ndërkufitar.
WTTC – tourism for tomorrow award
Majat e Ballkanit – shtegu ndërkufitar
http://www.peaksofthebalkans.com/
MAJAT E BALLKANIT
Me qëllim të krijimit të punësimit për banorët lokal ndaljes së braktisjes së këtij rajoni malor në zonat e Kosovës, Malin e Zi dhe Shqipërisë, si dhe krijimi i një afërsie mes vete të këtij rajoni, institucionet shtetërore dhe lokale të turizmit, si dhe shoqatat bjeshkatare kanë bashkuar forcat dhe në bashkëpunim me organizatën Gjermane “GIZ” kanë zhvilluar projektin rajonal “Majat e Ballkanit” si një destinacion unik për turizëm malor. Me zhvillimin e shtegut transnacional, si një paktë turistike unike në botë, u zhvillua një bazë e përbashkët ndërkufitare për zhvillim të qëndrueshëm. “Majat e Ballkanit” – shteg ky ndërkufitar, kalon përgjatë rajoneve më të distancuara dhe të egra të Ballkanit Perëndimor. Duke shfrytëzuar shtigjet e vjetra të barinjve e të bjeshkatarve, shtegu lëviz drejt zonave malore, të cilat arrijnë lartësin deri në 2300 metra mbi nivelin e detit duke kaluar nëpër pjesët më panoramike malore, lumenj dhe ujëvara, si dhe fshatra piktoreske, të cilat të japin ndjenjen se koha ka ndaluar. Me pak fjalë, këto vende janë një “thesar i fshehur” për dashamirësit e natyrës dhe për adhuruesit e bjeshkatarisë. Deri para njëzet viteve, ky regjjion ka qenë e paimagjinuar të kalohet nga vizitorët, gjë e cila e bën edhe më unik dhe ofron një eksperiencë autentike e kulturore.
REGJIONI
Regjioni i Alpeve Dinarike që shtrihet në veriun e Shqipërisë, Jugperëndimin e Kosovës dhe në lindje të Malit të Zi e që ndryshe quhen “Bjeshkët e Nemuna” njihen si pjesa më me pak e njohur e Evropës Juglindore. Deri sot, rajoni malor i Kosovës, Malit të Zi dhe Shqipërisë, pothuajse ka mbetur i paprekur dhe është vetëm pjesërisht e banuar. Për këtë, ky rajon ka ruajtur të jashtëzakonshmen dhe karakterin e tij autentik. Veçori unike e këtij rajoni është mikpritja e ngrohtë, që bëhet nga banorët e saj për çka vizitorët mund të përjetojnë një ndjenjë të veçantë gjatë qëndrimit të tyre në shtëpitë tradicionale, të cilat gjenden përgjatë shtegut në të tri shtetet. Shumëllojshmëria e akomodimit fillon prej shtëpive tradicionale të gurit, të ashtuquajturat Kulla, deri tek kasollat dhe shtëpizat malore e gjithashtu vlerë unike, që ofrohen janë ushqimet tradicionale të përgatitura nga mikpritësit lokal.
SHTEGU
Shtegu ambicioz “Majat e Ballkanit” ka gjatësi, prej 192 kilometra dhe është shteg, i cili fillon e mbaron me një qark, që kalon në të tri shtetet. Vizitorët aventurën e tyre mund ta fillojnë në njërën prej portave hyrëse në këtë shteg, si nga Peja (Kosovë), Thethi (Shqipëri) dhe Plav (Mali i Zi). Ky shteg atraktiv ka gjithsej 10 etapa, e cila mund të realizohet nga 10-12 ditë, varësisht nga motivimi dhe kondicioni i vizitorëve. Niveli i vështirësisë dallon prej të lehtës deri tek mesatarja, por kërkon një kondicion të mirë fizik dhe pajisje për mal (këpuc për ecje, veshje kundër lagështisë, ndriçim, çantë personale të ndihmës së parë, telefon mobil etj). Edhe pse i gjithë shtegu është i sinjalizuar dhe i markuar, ajo pjesërisht të dërgon tek regjione malore të pabanuara. Kështu, ky shteg rekomandohet që të ngjitet në grupe apo i përcjellur me një guidë të trajnuar. Në të tri vendet veprojnë guida lokale, të cilat janë të trajnuara nga DAV (Deutcher Alpen Verein) dhe janë të familjarizuara me këtë shteg. Më shumë informata për guida, akomodim, procedura ndërkufitare dhe përshkrim të detajizuar të shtegut mund të gjenden në Web-faqen: www.peaksofthebalkans.com apo në email: pejatourism@yahoo.com
