2020/12/31 - 9:56
Të dashur bashkëqytetarë!
Tash kur edhe pak orë lënë prapa 2020-tën, dua t’ju them disa fjalë zemre.
Për t’i shkrirë në fjalë, veprat e mëdha të uniformave të çdollojshme është gati e pamundur. Thënë thjesht, vetëm FALEMINDERIT, zë vendin meritor.
Të gjithë ne bashkëqytetarë, kaluam 365 ditë me sfida, me tri fjalët që përmbledhin sfidat, që fillojnë nga të njejtat nistore e që dhunshëm u bënë pjesë e përditshmërisë sonë: vdekjet e familjarëve dhe miqve, varfërimi i qytetarëve dhe vetizolimi që shkërmoq më të shtrenjtën liri.
Pati edhe momente gëzimi e pune. Ecëm përpara e jemi shumëfish më mirë seç ishim në vitin paraprak. Emri i Ferizajt dhe ferizajasit edhe këtë vit spikati suksesin, të mirën e përparimin.
Në këto çaste kur zemrat tona rrahin nota gëzimi, duke qenë krenar që jam në shërbimin tuaj, në krye të Ferizajt tonë të dashur e ferizajasve punëtorë e qytetarë model, ju uroj Vitin e Ri 2021, duke u lutur që shëndeti, mirëqenia e dashuria të bekoj vitin e ri që po hyjmë.
Urime!
